《中年2》变歌手翻生平台 54岁郑梓浩唔怕Out 被插反骨大反击《造星3》黄剑文

头条日报-娱乐

更新时间：00:00 2023-07-06 HKT
发布时间：00:00 2023-07-06 HKT

TVB节目《中年好声音》叫好叫座，夺冠的周吉佩亦咸鱼翻生，开音乐教室及全职做歌手。节目变成陈年过气歌手翻生平台，所以《中年2》吸引大量行内人参加，包括39岁，2020年《全民造星III》第9名的黄剑文（Kimman）及54岁前新艺宝歌手郑梓浩（Brian）。Kimman坦言13年前曾因母亲离世差啲睇唔开：「既然执返条命，点解唔做返啲轰烈嘅嘢，令人生更加精彩？」至于Brian就好有抱负，重返香港乐坛都系靠呢舖。　
采访：方骞平
场地：The Stadium（黄剑文）、Iza居酒屋（郑梓浩）

并非「乐坛白纸」的黄剑文及郑梓浩，今次参与《中年2》海选，分别获老友周慧敏及黎瑞恩支持。Kimman笑说：「我见『歌神』张学友都系咪不离手，就知佢有几钟意唱歌，喺佢身上得到鼓励，钟意做嘅嘢唔好放弃。」他承认《造星III》成绩唔理想，今次参赛想畀机会自己做好啲，等更多观众认识自己。
Kimman被闹咪再发明星梦

39岁的黄剑文屡败屡战唔怕被网民批评，他有感而发：「网上有千几个留言，大部份系支持我，亦有抨击我参加《中年2》好反骨，又叫我『算把啦，咪发明星梦』、『唔知佢系乜水』，其实我参加过多个比赛，包括TVB第1届《超级巨星》，因为唔听话庆功时饮到声沙，最后30强止步。其实呢个世界大把人讲嘢，好多不负责任，咁听得边个呢？定应该聆听自己个心想点？」

Kimman强调唔系发明星梦，只系钟意做音乐，相信音乐的力量，亦跟他的经历有关。单亲家庭成长的他，26岁时经历母亲自杀的沉重打击，于妈妈离世后5天，一度悲痛欲绝行出露台寻死，幸而脑海闪出需要他照顾的公公及婆婆，即打消念头，更从黑暗中振作，令他更相信音乐力量，「Busking咗4年，试过有人喊住上前多谢及拥抱我，话我啲歌感动到佢，甚至打消咗伤害自己的念头，哪怕只系感动到一个人，影响到一个人生命，我觉得已经足够。既然当年执返条命，好多嘢都赚咗，点解唔做返啲轰烈嘢，放手博一舖令人生精彩啲？」

热爱唱歌的黄剑文以独立歌手身份自资出歌，新歌《饯别酒》纪念已故舅父。他承认3年疫情令他入不敷支，生活处于「吊盐水」状态，1年做两首歌，每年动辄花12万，再赚唔到钱，挨多两年就耗尽积蓄，「做到冇晒钱我会认输，但唔会放弃音乐，仍然会继续唱歌。其实冇咗钱唔紧要，当系投资喺自己身上啫，可想而知我几爱音乐，因为音乐系我人生一部份，可纾缓压力。」
郑梓浩入行32年再战乐坛

另外，郑梓浩曾于1991年出道做歌手，亦出过两张唱片，首本名曲有《一对妒忌的心》及《孤单的我》。定居纽西兰超过21年，一直与家人经营西餐、甜品、中菜及发廊等生意，因为唱歌瘾发作，7年前撇低妻儿，签公司打算重新出发，可惜事与愿违，今次参加《中年2》希望再战乐坛，「我唔怕俾人话out，只要唱返啲啱年纪嘅歌就得，大家口味唔同，就算o依家乐坛多新人都唔会影响到自己。」对于自己的学生亦有参赛，Brian唔会有压力，因为学无前后，达者为先。