激赞轩公如多啦A梦 山旮旯拍戏要乜有乜 魏浚笙招积仔上身洪嘉豪杨天宇爆笑反击
更新时间：00:00 2023-01-21 HKT
发布时间：00:00 2023-01-21 HKT
发布时间：00:00 2023-01-21 HKT
字体大小
三人在戏中都有好多新尝试，所以拍摄过程相当难忘，Kaho说：「好好彩，同Jeffrey叫做第一套戏试咗好多嘢，又打交、又开枪同吊威哋。」Angus开拍前被导演要求操到《变形侠医》咁大只，「我话『吓！打类固醇就得，好难㗎㖞！』因为我𠮶时拍紧另一套戏，接住拍呢套戏，短时间内好难，同埋亚洲人体质要变《变形侠医》㖞！我尽量大只，不过套戏只系成日着背心露手臂，得一幕系除衫仲要得𠮶两秒。」
Angus赞Jeffrey坚揪得
戏中Jeffrey除了要骚肌外，仲要为动作场面勤练武功，「练功比较花心思，因为一个唔小心，一拳冲落去，如果你避得唔正确就真系食咗，事前准备都做得好够。」听到平时经常认叻的Jeffrey，答唔识打要专登去学，Kaho冷笑一声：「竟然答唔识！」而Angus亦帮口：「原来佢好有天份，拍完先知自己识啰！即系天生识𠮶啲。」Kaho再加多脚，「差在佢任督二脉未俾人打通。」呢个时候Jeffrey再现本性，「师傅教一招，我就耍到出嚟！」
另外跟Jeffrey对打的Angus都承认他坚揪得，「佢真系劲，冇谂过佢会打得伤我，条友好大只㗎！」Jeffrey尴尬得嚟亦不忘认叻，「唉！有时真系拳头无眼，为求个认真程度，真系要劲嘛！杨前辈武功都厉害，因为佢本身都有玩开，打斗方面经验比我丰富，系强嘅对手。畀个《变形侠医》赞大只，真系有少少羞耻，佢𠮶种大只系有少少黐线，系比赛𠮶只健美佬嚟，真系甘拜下风。」
讲讲吓，Jeffrey再拉埋Kaho落水，「其实豪哥都揪得，差在冇得畀佢发挥。」Angus更笑指Kaho在戏中超挨得打，「佢成日畀人打，但系都死唔去㗎！佢呢吓劲嘛！我有一幕成个锤仔爆佢个头，佢都冇事，劲呀！学唔到佢。」Kaho就自爆虽然不用骚肌却另有任务，「当然佢两位系大只除衫，但系唔好忘记，我喺呢套戏系除过裤嘅，因为我要去厕所就除裤，故事就系咁发生。」Jeffrey笑他，「你大只除衫，我大抽咪除裤啰！哈哈！」Kaho无咁好气话：「我系唔够大只，我咪除裤啰！」
轩公从不呻辛苦
三人互寸一轮后，一讲跟轩公合作即变得好恭敬。被轩公视为细佬的Kaho首次在戏剧上跟大佬合作，一样赞不绝口，「佢好认真，比我哋更加钻研得深，有时我哋都收货，佢会话仲可以点样再好啲，好坦白讲我30岁拍呢套嘢都觉得辛苦、吃力，我私底下都有问佢哋（Jeffrey及Angus），系咪因为我老先至觉得辛苦，佢哋都话觉得好辛苦，但系我未听过轩公讲一句辛苦，佢系主角嚟，我就算call得早9点到，佢已经拍完几场，呢个真系佩服。」
早前先冧完黄德斌的Jeffrey，今次又畀轩公冧到，「我发掘到轩公有颗童真嘅心，佢好善良，好好嘅人，真系very good，顶瓜瓜。」问到轩公好在哪？Jeffrey继续卖口乖，「不如讲唔好嘅位，系冇嘅，所以好嘅位系全部，简直系完美。」不过究意德斌兄好定系轩公正呢？Jeffrey世界仔上身，「两个都系十分之体贴后辈嘅人嚟，都好好。（以为你变咗心？）唔会啦！好人唔会得一个嘛！全世界都有好人。」
Angus就透露轩公除了镜头前认真，镜头后亦相当细心，「佢系超级温暖，好识关心人，我有场戏整伤咗只手，佢见我喺度敷冰唔出声，佢走埋嚟问我有冇事，我印象中佢好似多啦A梦咁，可以喺半个钟就揾到啲嘢畀你，佢可以揾到支活络油，又揾到一排止痛药，但系我哋𠮶时喺山旮旯拍㖞！跟住有个演员把声沙咗，佢又可以揾到啲清音丸，仲要佢畀完你后，下次仲会问你有冇事啰！佢系真系关心你先至会咁做，好上心！」
Angus赞Jeffrey坚揪得
戏中Jeffrey除了要骚肌外，仲要为动作场面勤练武功，「练功比较花心思，因为一个唔小心，一拳冲落去，如果你避得唔正确就真系食咗，事前准备都做得好够。」听到平时经常认叻的Jeffrey，答唔识打要专登去学，Kaho冷笑一声：「竟然答唔识！」而Angus亦帮口：「原来佢好有天份，拍完先知自己识啰！即系天生识𠮶啲。」Kaho再加多脚，「差在佢任督二脉未俾人打通。」呢个时候Jeffrey再现本性，「师傅教一招，我就耍到出嚟！」
另外跟Jeffrey对打的Angus都承认他坚揪得，「佢真系劲，冇谂过佢会打得伤我，条友好大只㗎！」Jeffrey尴尬得嚟亦不忘认叻，「唉！有时真系拳头无眼，为求个认真程度，真系要劲嘛！杨前辈武功都厉害，因为佢本身都有玩开，打斗方面经验比我丰富，系强嘅对手。畀个《变形侠医》赞大只，真系有少少羞耻，佢𠮶种大只系有少少黐线，系比赛𠮶只健美佬嚟，真系甘拜下风。」
讲讲吓，Jeffrey再拉埋Kaho落水，「其实豪哥都揪得，差在冇得畀佢发挥。」Angus更笑指Kaho在戏中超挨得打，「佢成日畀人打，但系都死唔去㗎！佢呢吓劲嘛！我有一幕成个锤仔爆佢个头，佢都冇事，劲呀！学唔到佢。」Kaho就自爆虽然不用骚肌却另有任务，「当然佢两位系大只除衫，但系唔好忘记，我喺呢套戏系除过裤嘅，因为我要去厕所就除裤，故事就系咁发生。」Jeffrey笑他，「你大只除衫，我大抽咪除裤啰！哈哈！」Kaho无咁好气话：「我系唔够大只，我咪除裤啰！」
轩公从不呻辛苦
三人互寸一轮后，一讲跟轩公合作即变得好恭敬。被轩公视为细佬的Kaho首次在戏剧上跟大佬合作，一样赞不绝口，「佢好认真，比我哋更加钻研得深，有时我哋都收货，佢会话仲可以点样再好啲，好坦白讲我30岁拍呢套嘢都觉得辛苦、吃力，我私底下都有问佢哋（Jeffrey及Angus），系咪因为我老先至觉得辛苦，佢哋都话觉得好辛苦，但系我未听过轩公讲一句辛苦，佢系主角嚟，我就算call得早9点到，佢已经拍完几场，呢个真系佩服。」
早前先冧完黄德斌的Jeffrey，今次又畀轩公冧到，「我发掘到轩公有颗童真嘅心，佢好善良，好好嘅人，真系very good，顶瓜瓜。」问到轩公好在哪？Jeffrey继续卖口乖，「不如讲唔好嘅位，系冇嘅，所以好嘅位系全部，简直系完美。」不过究意德斌兄好定系轩公正呢？Jeffrey世界仔上身，「两个都系十分之体贴后辈嘅人嚟，都好好。（以为你变咗心？）唔会啦！好人唔会得一个嘛！全世界都有好人。」
Angus就透露轩公除了镜头前认真，镜头后亦相当细心，「佢系超级温暖，好识关心人，我有场戏整伤咗只手，佢见我喺度敷冰唔出声，佢走埋嚟问我有冇事，我印象中佢好似多啦A梦咁，可以喺半个钟就揾到啲嘢畀你，佢可以揾到支活络油，又揾到一排止痛药，但系我哋𠮶时喺山旮旯拍㖞！跟住有个演员把声沙咗，佢又可以揾到啲清音丸，仲要佢畀完你后，下次仲会问你有冇事啰！佢系真系关心你先至会咁做，好上心！」
