多谢公司欣赏唔抗拒除衫拍戏朱敏瀚得黎耀祥教路狂睇书提升演技

头条日报-娱乐

更新时间：00:00 2023-01-05 HKT
发布时间：00:00 2023-01-05 HKT

30岁的朱敏瀚（Brian）近年踢走孱仔形象，由TVB「御用细佬」变「御用裸男」，新剧《轻·功》中要做裸体模特儿，着上两条肉色底裤演出，他坦言乐意喺镜头前展示健硕身形。另外，Brian亦好识谂，从黎耀祥身上学识睇多啲书，跟圈中老友仲开咗个读书群组互share好书。采访：方骞平摄影：孔子
化妆：Chloe Yu 发型：Leoyiu@Mplus salon

朱敏瀚自《机场特警》开始几乎套套剧都除衫晒肌，笑言已成习惯，在《轻·功》中他为照顾家庭，被朱晨丽发现做裸体模特儿。当时他着住两条肉色底裤对住女方演出，但表示唔尴尬：「都OK啦，尺度有限啫，而且仲着住两条底裤。」
同张振朗有读书群组

虽然拍《轻·功》时受疫情影响冇得去健身，身形冇《拳王》时操得咁fit，但仍被公司器重靓body，朱敏瀚开心笑说：「公司畀咗唔同戏路我，我唔抗拒，亦冇负面谂法，令到我更加了解自己嘅身体状况，食啲乜嘢、几时操肌，可以收放自如，唔使疯狂咁节食。」前年朱敏瀚夺「男配」受到公司力捧，他坦言唔使局限只做「细佬」，多咗机会相当开心：「喺《轻·功》中嘅『细佬』都有好大转变，唔系内敛要人帮𠮶种。」

提到再跟黎耀祥合作，Brian形容对方有爸爸feel，似同爸爸倾偈咁亲切：「喺祥哥身上得益良多，拍《拳王》时佢建议我哋睇多啲书增加冥想，拍戏创作空间会发挥大啲，自此我同张振朗、关曜俊有个读书群组，会互相share好书，如《FBI读心术速查手册》、《喜剧大师13堂幽默课》、《被讨厌的勇气》等。」