盲撑好姊妹陈滢争视后王敏奕得30岁唔急生仔冲吓先

头条日报-娱乐

更新时间：00:00 2022-12-02 HKT
发布时间：00:00 2022-12-02 HKT

王敏奕继2018年《飞虎之潜行极战》后，在《法证先锋V》再跟黄宗泽（Bosco）演一对，不过今次人物设定是热血警花情倾科学怪人。提到早前跟老公曾国祥到欧洲补度蜜月，叉足电回港的她未有造人大计，坦承自己得30岁，想在工作上再搏杀。
采访：杜杜摄影：罗安强化妆：King Yip@KingsMakeUp

对于Bosco接受本报访问时，得戚表示今次是女追男关系，敏奕即没好气话：「佢梗系开心啦！哈哈！第一次合作时，我都细个，好紧张去做个角色，佢帮我好多，好照顾我。到今次再合作，我话畀自己听要威番次，点知我又要去演一个追男仔嘅人㖞！咁就大镬！又系下靶，我冇办法威番次啦！」不过，她赞Bosco绝对是个好对手，照顾台前幕后，拍摄时又会加好多好点子。
度蜜月顺便送细佬去读书

早前曾国祥在英国跟美剧《权力游戏》监制拍完科幻网剧《三体》后，趁空档跟老婆到欧洲补度蜜月，她解释此行尚有一个任务，「我顺便送我细佬去读中学，等佢早啲适应，我好唔舍得，佢就好开心，我以为佢会喊，反而系我喊。」提到早前曾国祥表示因太忙，未有时间「造人」，敏奕听到即笑谓：「佢点答就点答啦，一切都系佢答为准。」不过她都认同现在工作刚上轨道，好想趁年轻努力冲刺，「自己仲有啲时间，想喺工作上继续努力先，o依家都有好多好好嘅机会，齿轮行得好顺时，突然停咗惊生疏，所以唔想停低。」

另外对于奖项，敏奕认为只是锦上添花，更认为TVB每个演员都非常努力，得奖都是实至名归，而对于好姊妹陈滢凭《美丽战场》争视后，她表示会盲撑到底，「咁friend梗系支持佢啦！如果有票我都会投畀佢，如果糖妹都有视后提名，我都一定投佢，不论佢演乜嘢，哈哈！」