转行皮纹分析师做埋爱情顾问陈嘉桓戒酒变宅女同Bosco断联络

头条日报-娱乐

更新时间：00:00 2022-11-07 HKT
发布时间：00:00 2022-11-07 HKT

拥有D Cup上围兼长腿的29岁陈嘉桓（Rose），幕前产量唔多，因为她已由演员「踩过界」成为大脑皮纹分析师，之前仲以导师身份参与两班学员的毕业礼。Rose更学以致用变身「爱情顾问」，帮朋友解决疑难，单身的她享受宅女生活，再冇关注过气绯闻男友黄宗泽的动态，坦言IG已Unfollow他。采访：方骞平发型、化妆：Makeupbysueey

三年前，陈嘉桓只是皮纹分析「小师妹」，完全冇谂过会做到小师傅，「o依家识朋友先睇佢只手指，对方应该会好高兴。我成日话，新相识未必咁快会表露个人性格，睇完佢皮纹嘅设定，会知道用乜方式同佢沟通，都试过因为咁避开啲追求者，都几有趣。」
以狗种比喻同黄宗泽唔啱Key

因为三年疫情，加上工作转型，完全改变了Rose贪玩性格，「o依家戒咗酒，少咗同朋友聚会，多咗时间留喺屋企煮吓饭、陪伴家人及小狗，简简单单又一日，真系唔想再浪费时间（饮饮食食），而且人生中除咗拍拖仲有好多嘢。」她又表示o依家先知道自己需要乜嘢生活模式，已踢走所有负能量的朋友，社交网追踪的朋友亦愈嚟愈少，更承认IG冇再follow黄宗泽（Bosco），Rose仲话：「佢啲嘢唔系特别好睇，我比较钟意睇狗仔及煮食！」

记者指Bosco都系狗痴，点知Rose却耍手拧头说唔啱：「但狗种唔同，我养迷你贵妇，呢啲宠物类型模式比较简单；佢养唐狗，大狗应该系活动型，性格比较外向，需要散步同行山。」至于点形容同Bosco关系？她说：「我系有佢电话号码嘅朋友，但唔会联络佢，不过又唔使block咗人哋个电话号码嘅！」