51岁再着黑丝怕被嫌老闹「收皮」 江美仪爆林敏骢片场发脾气玩匿埋
更新时间：00:00 2022-11-04 HKT
发布时间：00:00 2022-11-04 HKT
发布时间：00:00 2022-11-04 HKT
字体大小
2017年江美仪于TVB剧集《亲亲我好妈》首做女一，点知搞到满城风雨，是非不绝。相隔5年，江美仪终凭台庆剧《下流上车族》得到反弹机会，剧集叫好叫座，更有望以大热姿态冲激视后。江美仪带住正能量拍此剧，最大满足感系零是非，跟剧组合作好开心，更笑住爆林敏骢扭计事件。江美仪的正向仲吸引埋梁洛施，主动DM她做朋友。
采访：方骞平 摄影：谭志光
发型：Ivan Lee@Headquarters
服装：MARELLA
十年前江美仪于台庆剧《名媛望族》中着黑丝情挑刘松仁成为经典一幕，十年后台庆剧《下流上车族》，51岁的她再着黑丝及性感通花睡裙诱惑林敏骢。对于再着黑丝，她承认拍摄前有犹豫过：「o依家啲网民反应咁直接，唔钟意就闹，几惊被话『咁老收皮啦你！』好彩反应OK。」
剧组搞唔掂骢哥 自己出马
江美仪大爆拍档林敏骢难以驾驭，剧组一搞唔掂林敏骢就由佢出马：「但佢好尊重我，会听我讲道理。其实林敏骢好似小朋友咁包拗颈，好记得有次喺片场发生咗啲小误会，佢发脾气匿喺5楼休息室睇手机，我走上去o氹佢『要唔要苹果批、黑咖啡？加多个汉堡包呢……』跟住佢顺返条气后就打返畀我，诈娇话『我冇嘢呀，玩佢哋啫！』激死人，佢月经到就用暖水袋敷肚喇！」
首合作好担心 短讯表不安
剧集开拍咗一日突然由黑仔（姜皓文）换入林敏骢，江美仪同骢哥未合作过难免有顾虑：「坦白讲，拍前我有传短讯畀林敏骢提佢『骢哥，呢套戏我好大压力㗎，我51岁先再做主角，唔系成日有呢啲机会，我真系好认真对待件事』，点知佢好型咁回应我『我话嘅，一定得！』谂返转头我使鬼担心咩，佢冇咁丰富感情点样写到千首情歌？」江美仪最难忘骢哥要她配合，加入情感拍两公婆重修旧好的感情戏，睇到幕后都忍唔住喊，「骢哥o依家叫我做 『助攻王』，佢觉得我嘅『角色』可以帮到人达到一啲嘢，仲话拍完𠮶场戏，试到我唔系一个自私嘅人。」
同梁洛施有缘 成为好朋友
当年江美仪首做女一时是非不绝，传过改剧本而惊动高层，更要停厂4日执靓剧本。旧事重提，美仪勇于认错，坦言当年因为太急做错好多嘢，自称错得好紧要的她有所觉悟，原来急同忟都无助件事，「经过反省，加上两年多以嚟疫情嘅沉淀及宗教影响，o依家成个人都唔同晒，以前可以用舒服啲嘅方式处理，而唔系坚持自己方法令人哋难受，o依家尽量保持正能量去帮人。因为咁，呢个剧冇是非，团队好团结会互相帮助，拍得好痛快。」另外，对于梁洛施为她庆生，她又拆解两人好友之谜，美仪笑说：「就系缘份到，所以做咗朋友！」原来梁洛施想跟美仪学佛打坐，所以主动喺IG DM她，两人开始出嚟食饭讲心事及讲佛经，「打坐令一个人可以定啲冇咁冲动，静落嚟睇吓自己有啲咩唔好，令自己变成一个更好嘅人。」
采访：方骞平 摄影：谭志光
发型：Ivan Lee@Headquarters
服装：MARELLA
十年前江美仪于台庆剧《名媛望族》中着黑丝情挑刘松仁成为经典一幕，十年后台庆剧《下流上车族》，51岁的她再着黑丝及性感通花睡裙诱惑林敏骢。对于再着黑丝，她承认拍摄前有犹豫过：「o依家啲网民反应咁直接，唔钟意就闹，几惊被话『咁老收皮啦你！』好彩反应OK。」
剧组搞唔掂骢哥 自己出马
江美仪大爆拍档林敏骢难以驾驭，剧组一搞唔掂林敏骢就由佢出马：「但佢好尊重我，会听我讲道理。其实林敏骢好似小朋友咁包拗颈，好记得有次喺片场发生咗啲小误会，佢发脾气匿喺5楼休息室睇手机，我走上去o氹佢『要唔要苹果批、黑咖啡？加多个汉堡包呢……』跟住佢顺返条气后就打返畀我，诈娇话『我冇嘢呀，玩佢哋啫！』激死人，佢月经到就用暖水袋敷肚喇！」
首合作好担心 短讯表不安
剧集开拍咗一日突然由黑仔（姜皓文）换入林敏骢，江美仪同骢哥未合作过难免有顾虑：「坦白讲，拍前我有传短讯畀林敏骢提佢『骢哥，呢套戏我好大压力㗎，我51岁先再做主角，唔系成日有呢啲机会，我真系好认真对待件事』，点知佢好型咁回应我『我话嘅，一定得！』谂返转头我使鬼担心咩，佢冇咁丰富感情点样写到千首情歌？」江美仪最难忘骢哥要她配合，加入情感拍两公婆重修旧好的感情戏，睇到幕后都忍唔住喊，「骢哥o依家叫我做 『助攻王』，佢觉得我嘅『角色』可以帮到人达到一啲嘢，仲话拍完𠮶场戏，试到我唔系一个自私嘅人。」
同梁洛施有缘 成为好朋友
当年江美仪首做女一时是非不绝，传过改剧本而惊动高层，更要停厂4日执靓剧本。旧事重提，美仪勇于认错，坦言当年因为太急做错好多嘢，自称错得好紧要的她有所觉悟，原来急同忟都无助件事，「经过反省，加上两年多以嚟疫情嘅沉淀及宗教影响，o依家成个人都唔同晒，以前可以用舒服啲嘅方式处理，而唔系坚持自己方法令人哋难受，o依家尽量保持正能量去帮人。因为咁，呢个剧冇是非，团队好团结会互相帮助，拍得好痛快。」另外，对于梁洛施为她庆生，她又拆解两人好友之谜，美仪笑说：「就系缘份到，所以做咗朋友！」原来梁洛施想跟美仪学佛打坐，所以主动喺IG DM她，两人开始出嚟食饭讲心事及讲佛经，「打坐令一个人可以定啲冇咁冲动，静落嚟睇吓自己有啲咩唔好，令自己变成一个更好嘅人。」
最Hit
