跟旧同窗Stanley合作好放心谈善言拍闹交戏一嘢车埋去

头条日报-娱乐

更新时间：00:00 2022-10-07 HKT
发布时间：00:00 2022-10-07 HKT

演了多次学生角色的谈善言，在ViuTV新剧《野人老师》中终于有机会做老师「晨光」，而且能跟合作过电影的郑丹瑞及中学同学邱士缙（Stanley）合作，特别开心又放心。阿谈自认自小性格好「折」，怕受到注目，所以完全冇想过会成为演员，反而爱上演戏后因有推动力，逼自己作出更多新尝试。　
采访：杜杜摄影：罗安强发型：Larry Ho @ Aveda IL COLPO
化妆：German Cheung 服装：ATSURO TAYAMA

阿谈在剧中要跟十个小朋友做对手，她最初都担心场面会失控，但开拍前一班小演员上过工作坊，加上个个聪明精灵，合作时相当顺利，「cut机时我都会同佢哋继续玩，同佢哋倾吓偈，其实同小朋友玩得熟，一开始默契建立得好，之后就顺畅好多，好信任你，做咩都会好自然。」
细个冇谂过做演员

跟合作过电影《小男人周记3之吾家有喜》的郑丹瑞及Stanley合作，阿谈特别开心，「呢两个人都有份熟识感觉，好放心，尤其是旦哥系第二、三套电影合作，𠮶时会惊啲，今次再见返佢，佢好贴近校长呢个image，又好风趣好chill，有时会用啲有趣嘅方法去引导你，唔会话指令你咁做，好似戏内校长会有好多唔同方法同小朋友沟通。」至于跟中学同学Stanley做对手戏，阿谈可以更加放，「因为我哋熟，有啲戏会好放心，好似有场戏我哋闹交要掉嘢，我可以好唔留力咁掉中佢个头。」

讲到童年生活，因为父母都好忙，阿谈只得家姐和细佬相伴，但愉快地养成独立性格，不过性格内敛的她，完全没想过长大后会当上演员，「本身系比较『折』，如果唔系呢行，可能接触嘅嘢会更少，我钟意呢行就系会逼我去试好多其他嘢，我钟意呢种感觉，多过钟意表演畀人睇。」她入行后首拍港台青春剧《DIY2K》仲未识享受当演员，到电影《点五步》才懂得欣赏，「真系试咗好多唔同方面角色，同唔同嘅人合作，揾到方向同方法去试唔同嘅嘢，先开始有少少成功感。」