签新公司最开心可拍拖杨梓菁自认爱情白痴

头条日报-娱乐

更新时间：00:00 2022-10-01 HKT
发布时间：00:00 2022-10-01 HKT

杨梓菁（前名杨柳青）早前改名同时签约新经理人公司，她希望一切都有个好的新开始。讲到签新公司其中一个条件吸引到她，就是可拍拖、结婚、生仔，不过她就否认恨嫁，只是想更有自由度做返自己，她亦坦言想拍拖，不过承认揾啱条件对象唔容易，唯有相信缘份。采访：杜杜摄影：娱乐组
发型：Terrence Chan @HAiR 化妆：@hazesmakeup
服装：Harvey Nichols Hong Kong 场地：Pier 1929

梓菁话有改名这个念头好耐，因有堪舆学家提点过她，改名对她有利，「但系我本身好钟意以前个名，容易记够老土嘛！哈哈！直到有个我好尊重嘅前辈，建议我改呢个名，上年摆咗喺度直到签约先至正式改，我希望呢个名带畀我更多顺利同快乐，想改名都系想有更加好嘅改变。」
否认恨嫁只望拍拖

讲到签约新公司，梓菁坦承因公司畀到她家的感觉，加上老板Ken哥给她自由度很大，「每次返公司都唔似返公司，因为老板娘同老板囡囡都会喺度，好有归属感，同Ken哥系好易理解嘅人，我做咗演员都6年，好希望做返真正嘅自己，唔系话其他公司唔可以，但系老板唔会限制你拍拖、结婚、生仔呢啲最基本嘅嘢，同埋条件上加埋合约年期，各样都系令到我好舒服，唔系一方有被迫嘅感觉，合作舒服系最紧要。」

梓菁去年2月跟外籍男友因性格不合分手后，一直单身的她连倾合约都谂到感情问题，不过她就否认好恨嫁，至于拍拖却无任欢迎，更希望揾到个孝顺又有同理心，仲要有独立经济能力，兼且畀到安全感她的男朋友，不过她承认揾对象很难，唯有相信缘份。「问得梗系讲自己最想要，但系好多时面对爱情，都系变咗个白痴，可能对方开度门𠮶一吓你就钟意咗佢，好得意，讲就可以讲到一百个条件，但到时可能因为一样嘢就钟意咗佢。」