碌人情卡拍慈善短片李佳芯自爆曾辛苦到想放弃

头条日报-娱乐

更新时间：00:00 2022-09-19 HKT
发布时间：00:00 2022-09-19 HKT

李佳芯（Ali）为慈善机构「耆智园」宣传关注脑退化症的短片《伴》正式在网上首播。演而优则导的Ali今次为慈善豁出去，首次身兼演员、导演、监制及编剧四个岗位，更碌尽人情卡邀请到资深导演张同祖饰两父女。筹备一年的短片终在其个人YouTube频道播出，为她的演艺生涯迈出新一步！

李佳芯（Ali）今次可谓由零开始，由于没有制作经验，四出「拍膊头」找幕后朋友帮忙，在埋班初期曾经因为压力太大而萌生放弃念头。她说：「初初以为慈善project唔需要好多钱，所有嘢谂得太简单，到叫人帮手做嘢时，发现要揾到合适嘅人做合适嘅岗位真系唔易，当下真系好徬徨，有时喺度谂我咁辛苦为乜呢？老实讲我一蚊都冇收，既然唔系为赚钱，点解我要攞苦嚟辛呢？」幸好最后找到电影编剧帮忙写剧本，加上张同祖（祖哥）在幕前幕后也不遗余力地帮忙，令Ali总算放下心头大石。

Ali今次能够成功邀请到祖哥饰演父亲角色，过程绝不容易，「我托朋友介绍联络佢帮手时，佢真系唔知我系边个嚟，亦冇睇过我嘅戏，我send资料畀佢后，过咗几日冇回音，我就胆粗粗约佢出嚟饮茶，第一次见面佢已经畀咗好多剧本上嘅宝贵意见，最后见多几次面后，终于打动到佢帮忙演出。」Ali大赞祖哥不但没有计较酬劳，更分享执导经验：「佢话我知电影究竟系咩一回事，话我知对每个作品嘅要求，我喺佢身上睇到佢对电影嘅每一份执着同热诚，十分敬佩。」