■Jennifer和珈其除了想合作拍戏，仲想做综艺节目，最希望一齐拍旅游及饮食节目。

同岑珈其新戏演最萌身高差余香凝爱老公怕丑仔性格

头条日报-娱乐

更新时间：00:00 2022-08-05 HKT
发布时间：00:00 2022-08-05 HKT

余香凝（Jennifer）和岑珈其继电影《非同凡响》、剧集《地产仔》后，第三度在电影《缘路山旮旯》中合作，戏中两人演绎最萌身高差的情侣。现实中两人都未试过这种身高差恋情，但Jennifer又自爆爱男主角这类怕丑男，因老公正是这类男人。他们又话合作3次未够喉，好想再有下次，仲讲笑话最好做埋亲家。采访：杜杜摄影：沈健程

2018年Jennifer跟珈其合作完《非同凡响》后，成为无所不谈的交心朋友，一直好想揾机会再合作，在《地产仔》对手戏不多，他们曾想过主动出击，「我哋成日讲如果可以做爱情戏就好，甚至乎谂过自己度个故事出嚟sell畀人，等人哋拍我哋。」今次终于有机会合作，仲要有感情戏，两人都好开心。
有望做埋亲家

Jennifer跟珈其高度相差10cm，戏中两人亦演有身高差情侣，不过现实中两人未试过跟这类对象拍拖，珈其承认跟角色一样确有自卑感存在，「最尽都系对方一样咁高，始终会有少少自卑，出嚟会唔会唔好睇？最大问题系根本唔敢去追高过自己嘅女仔，预人哋一定唔会接受，点会钟意拖住个小朋友，自己都落咗闸先。」虽然Jennifer未试过同这类外形的男仔拍拖，但戏中男主角「阿厚」性格确实是她喜欢类型，「我系钟意好似『阿厚』性格嘅人，唔系好讲嘢，怕怕丑丑咁，我可以撩开佢，到佢对住我有第二种性格出嚟，令到佢笑我会好开心啰！（你老公系咁性格？）系呀！哈哈！」

两人老友鬼鬼又同期升呢做父母，见面多了倾凑BB经，珈其笑言：「最好笑佢个B明明细过我个B，但系身形都系大过佢，身高真系有遗传，哈哈！」两人最开心小朋友可以从小作伴，同父母一样成为好朋友。若然做埋亲家又点睇呢？珈其搞鬼话：「我就梗系想啦！佢哋基因好，够高嘛！」
发型：@nickienickhair@orient4（珈其）、Ken Hui @Artify lab　
化妆：Carmen Chung@carmencmakeup_cc（珈其）、Lavinia Tang　
服装：STORY MFG from HBX@storymfg @hbxhk（珈其）、MAX&Co
场地：HYC Bar & Lounge