相隔9年再开Show人生无憾郑融曾想放弃唔好辛苦自己

头条日报-娱乐

更新时间：00:00 2022-06-29 HKT
发布时间：00:00 2022-06-29 HKT

相隔9年，郑融（Stephanie）将于7月16日假麦花臣场馆举行一场《"TRUTH AND DARE" 郑融演唱会2022》。由年头凭一曲《多喝水》夺得「叱咤十大」第4位到即将开show，启发她要用心做好自己，迎接新事物，咁人生就会无憾。
采访：方骞平摄影：梁迺枬
发型：Jamie Lee@Hair 场地：观塘游牧堂

疫情严峻期间，Stephanie接到开show邀请，对于主办单位竟然对佢咁有信心，除咗感动就系难以置信，她兴奋地说：「我终于有样嘢可以向歌迷交代喇！多年嚟佢哋都追问我，究竟几时开演唱会呢？」所以今次仲会照顾埋海外fans，会有线上直播，可全世界同步睇show。
入行19年好多感受

演唱会主题玩真心话与大冒险，郑融认为每个人都有自己嘅秘密花园，到时会分享一啲内心说话，亦会唱出心声及经历，「好似《借》、《还》、《红绿灯》、《成就感》、《断片》等都会唱到。」对于郑秀文曾担任关心妍（Jade）演唱会嘉宾为她打气，明白Jade喺呢行20年唔容易，出道19年嘅Stephanie坦言感同身受：「以前唔系好明白点解啲人想放弃，但当经历过某啲困难真系觉得好辛苦，加上公众人物受关注，压力都几大，间中就会谂吓放弃，唔好咁辛苦自己！o依家过咗个关口选择留低，反而认识自己更多，又发觉自己唔系冇价值，o依家决心大过负能量。」