分清身份 ■Connie有「翻版陈法拉」之称，佢话会分清身份，做幕前就一定要靓。

难忘薛影仪喊住求救经理人林宝玉：我哋冇拎阿仪嚟玩

头条日报-娱乐

更新时间：00:00 2022-05-16 HKT
发布时间：00:00 2022-05-16 HKT

林宝玉（Connie）由亚姐转职为「亚视一姐」薛影仪的经理人，两人合作一年已超越家人关系。对于网民认为亚视明知阿仪讲嘢唔叻，外型又特别，夹硬推佢出嚟畀人笑，Connie对此完全唔认同，强调外间认定亚视玩阿仪系有误解：「疫情前阿仪每个月有5位数字人工，我哋（亚视）冇拎阿仪嚟玩，就算佢屋企有事都有提供现金援助。」采访：方骞平　摄影：沈健程
拥有32C-24-35 fit爆身材嘅Connie，被封为「索爆经理人」，网民喺讨论区开post「薛影仪嘅经理人林宝玉正到癫好吸引」，Connie笑言：「当日着住条黑色紧身裤陪阿仪出庭，搞到网民错重点啫！」
阿仪吓亲喊惊

Connie系2020年亚姐「网络人气奖」得主，去年开始被赏识转做经理人变咗双重身份，阿仪更成为她上任后第一个艺人，「我对佢百分百付出，最难忘佢喺羁留室（起飞脚踢人事件），只可以见一个人，佢竟然拣咗揾我，平日阿仪冇乜表情，但𠮶次见佢好无助，然后喊住同我讲：『我惊呀！』我知佢点样大胆但今次真系惊，𠮶刻好想揽住安抚佢。」Connie坦言阿仪喊住求救一幕令佢毕生难忘，「原来佢好信任我，我畀佢家人更亲近。」
阿仪心灵导师

Connie除咗安排工作仲做埋阿仪心灵导师，「阿仪一夜成名，但佢从未接触过呢行系有啲迷茫，尤其介意被网上欺凌，佢会截图同我讲好唔开心，会有情绪、会爆粗……我除咗要尊重佢嘅感受，好好去保护佢之外，仲要同佢讲解呢行系乜嘢一回事。其实阿仪脑筋灵活，各方面都清晰，佢好清楚知道自己做紧乜，我亦有同佢家人交代佢嘅事。」
关顾生活所需

阿仪被控以普通袭击及违反「口罩令」两罪等候上诉中，据知几万蚊律师费由亚视一力承担。Connie指亚视一直对阿仪好好，问到收入方面，系咪月入只得6千至1万元呢？林宝玉解释，疫情下好多人都开工不足，尤其娱乐圈，不过，阿仪平均每月出过万蚊粮：「公司Keep住关心佢嘅生活，有需要会帮佢揾生活上嘅赞助，好似之前佢妈妈走咗，亚视有提供现金支援，送上慰问，帮佢解决问题；佢要求学英文，最近又话想学我影吓啲model相，佢咁有兴趣，我都会帮佢安排吓。」