终极爆料轰被张纹嘉搞到抑郁黎美言封锁旧队友手机号码过新生活

头条日报-娱乐

更新时间：00:00 2022-05-13 HKT
发布时间：00:00 2022-05-13 HKT

前女子组合HotCha成员张惠雅（Regen）接受电台访问时力数黎美言（Winkie）性格好烦兼难顶，被辣㷫的Winkie忍无可忍，向《头条日报》记者公开收埋心底15年嘅郁结，力斥除咗被两位旧队友张惠雅及张纹嘉（Crystal）伤害名声外，连人身安全都受到威胁：「两人身边嘅朋友骚扰我生活，o依家要借用媒体力量嚟保护自己！」她直言已封锁Regen及Crystal电话号码，希望能安心重过新生活，对于Winkie的言论，Regen截稿前仍未有回应，Crystal则称上次已交待过，不再回应。采访：方骞平摄影：沈健程场地：富德红人堂

HotCha于2007年出道，14年拆伙，黎美言由艺人转型从商6年，开办泰拳跳舞学校，教导最热爱嘅拳击及跳女团舞，由于经已累积到一定客量，目标系一年后唔使再租人场地，然后请老师教授，她就可以退居幕后结婚生仔，Regen嘅言论就触及她的神经线。
不满多年来被消费

Winkie强调自己唔系少少事发脾气，爆seed绝对有理：「我开学校有我嘅客人，将来我老公有佢嘅亲戚，我将来都会有小朋友，呢啲报道系一世㗎，将来小朋友问返『妈咪点解顶你唔顺嘅？』咁我点教小朋友呀？」HotCha拆伙接近8年，Winkie极度不满多年来一直被消费：「其实我经已忍咗4次，佢哋得闲就喺电台讲吓，可能佢哋觉得讲吓冇所谓，但唔知会伤害到我future，o依家已去到悬崖边。」
「人身安全受到威胁」

Winkie更自爆过去10多年向朋友提及HotCha伤痛阴影都会崩溃爆喊：「由最初佢哋收埋练歌，我走音、跳舞甩步唔会提你，然后变本加厉喺其他人面前唱我虾佢哋，真系好委屈好大压力，其实我冇对人阴湿，只系有咩就摊开嚟讲，结果乞人憎咗。其中一个队友（Regen）去咗读书，HotCha改成二人组，少咗个中间人做协调，我严重抑郁咗两年，佢（张纹嘉Crystal）对自己冇自信，认定我系竞争对手就更加伤害我，系咁拮我嚟保护自己，就算组合分开咗都针住不停讲我坏话，伤害我名声，仲煽动身边朋友唔钟意我，打完《G1格斗会》之后感觉人身安全受到威胁，因为有4个女仔系佢哋嘅朋友，第一场经已畀邓小姐（邓颖芝）打爆缸，好记得其中一个对手好狠话要拗断我只手，所以我放弃继续比赛，呢几个女仔系危险嘅，朋友都提醒我要小心佢哋。」

Winkie已block两位旧队友电话号码求过美满人生：「其实我人生冇乜负面嘢，只系唔好彩遇到呢班人，亦求佢哋可以完全忘记我，咁我安全就OK喇。我钟意HotCha呢队组合，但对两个队友系唔开心同失望嘅，不过都感激佢哋激发到我进修，带畀我坚毅精神。」她强调大家要放弃对HotCha嘅集体回忆，更叫大家转睇女团COLLAR。