要教识讲广东话乔宝宝想带乔孙孙返港见亲友

头条日报-娱乐

更新时间：00:00 2022-04-08 HKT
发布时间：00:00 2022-04-08 HKT

乔宝宝上月带埋妈妈、大仔、新抱及乔孙孙到加拿大温哥华，出席二姐大女婚宴，乔宝宝5兄弟姐妹难得齐集，加上乔家四代同堂，乔妈妈最开心。至于可爱嘅乔孙孙，宝宝笑说：「佢比我受欢迎。」采访：方骞平

乔宝宝有5兄弟姐妹，当中以二姐最好景，二姐夫喺温哥华经营蓝莓、红莓生意，有500亩农地，家有二万多呎，又有佣人，生活无忧，他自嘲说：「二姐虽然年纪比我大一岁，但有钱就连个样都Keep得好啲，唔似我㶶㶶地。」
策划乔妈妈大寿宴

今次由二姐全包宴请一家人玩足一个月。乔宝宝说：「趁阿妈行得走得带佢睇多啲喜庆事，下次屋企大型gathering应该喺11月22日妈妈80大寿。」他表示南亚人好孝顺父母，老人家年老更加要享福，不会送父母入住老人院。目前乔孙孙6个月大，乔宝宝会教他学广东话，他强调自己香港出世，广东话系母语，也希望下一代学懂：「小朋友学语言学得快，教晓佢可以陪我睇港产片，o依家佢识讲『打打』、『爷爷』。」他指乔孙孙今年8月30日1岁生日，希望到时带佢返港同亲友见面。

另宝宝指暂未有人打两爷孙主意拍广告：「佢太细个喇！佢父母想佢专注读书，o依家校网都揾埋，两年后会搬去校网好啲嘅地区。阿仔（印度豹）承诺会生两个起三个止，我叫佢趁我行得走得，畀多啲惊喜我。」