难得跟黄宗泽唔「过电」陈滢怕跟同事有感情瓜葛

头条日报-娱乐

更新时间：00:00 2022-03-28 HKT
发布时间：00:00 2022-03-28 HKT

陈滢（Jeannie）最近在剧集《飞虎3壮志英雄》中首度饰演Madam角色，除了学揸真枪难，拍床戏一样是挑战，好彩有经验丰富的黄宗泽（Bosco）傍住，而向来易惹绯闻的Jeannie，亦难得跟黄宗泽唔「过电」，不过她坦承不似角色会跟同事有感情瓜葛，而且她已怕了再传绯闻，因真心喜爱演艺工作，只想大家将焦点放回她演出。
Jeannie跟Bosco首度合作即演情侣，她大赞拍档似哥哥般照顾她，「我唔熟识嘅，佢就会帮我同教我，譬如开枪戏佢会教我戴定肉色耳塞咁就唔会睇到，又会安全啲保护对耳。」至于两人的床戏Bosco同样有教路，「𠮶场系讲我好冇所谓，但系佢反而有少少尴尴尬尬，点知拍出嚟个效果反而系我尴尬，佢冇所谓咁，所以调整咗一阵。」
人愈大愈介意绯闻

向来似绯闻摄石的Jeannie，今次跟Bosco竟然完全绝缘，「我哋好似兄弟，唯独我哋做live我锡佢个纸牌畀人话过，哈哈！佢成日话我唔似女仔，完全唔系佢钟意个type。」不过Jeannie承认不似角色会搭上同事，「我就唔接受同同事有呢种感情瓜葛，我要拣男朋友最好唔系同事，万一有啲咩事嘅话，之后见返会好尴尬，都会引起好多是非，无论我以前喺office做，或者入行后都系。」

不过最搞笑是Jeannie跟Bosco冇挞着，竟被对方在直播爆出罗天宇暗恋她，Jeannie强调是场误会，「我之后都有同天宇讲，唔好意思一个live会有咁嘅报道出咗嚟，其实Bosco系讲『天宇个角色喺戏入面系咪钟意Madam嘅呢？』，都唔知点解会变到咁样。」

她承认人愈大愈介意有绯闻，「我愈大个就真系愈觉得讨厌，细个就是但啦！o依家唔会想人再用呢啲标题，讲自己任何嘢，的而且确呢几年我真系好努力去做我嘅工作，讲真我要嫁或者揾个有钱嘅对象，我觉得唔难啰！但系我冇做到，因为我唔系咁样，我要唔做嘢都唔难嘅，但我选择呢条路继续工作，系因为我真系钟意，所以唔想再有呢啲绯闻。」
采访：杜杜