《大叔》揾到钱明年「破处」交税练美娟圣诞想呃男仔去饮酒

头条日报-娱乐

更新时间：00:00 2021-12-10 HKT
发布时间：00:00 2021-12-10 HKT

　　31岁的练美娟(娟姐)自《大叔的爱》后人起急升，工作量倍增，圣诞节黄金档期揾得特别多，坦言工作量系入行最多嘅一年。娟姐更自爆以往嘅收入，一直去唔到交税嘅要求，但明年相信要「破处」。问到如何运用第一桶金？她搞笑回应：「用嚟投资喺男人身上，或者趁圣诞节呃佢哋饮酒。」
采访：方骞平摄影：沈健程　服装：Why Not?　场地：太古城中心
　　娟姐坦言今个圣诞节多劳多得，今年埋数有6位数字进帐，收入非常唔错：「以前收入一般，咁多年嚟都唔使交税就知啦！」她自言天生「婆仔」性格，唔会请人食饭，嗜好系储蓄，最大目标买「姑婆屋」。
同肥仔处于冷静期
　　对于七仙羽曾爆ERROR成员肥仔(梁业)一早吼住练美娟，问她会否约会肥仔共度圣诞佳节？她哈哈大笑说：「我哋啱啱先做完夫妻(剧中)，怕佢太投入，所以要有冷静期，而且大时大节想同一班朋友一齐热闹啲。」之前娟姐大胆发表18岁失身言论，被追问系咪发生喺圣诞节？她装傻说：「10几年前嘅事都唔记得咗，我经理人望住我喇，但都要提醒返唔止系少女，就算少男都会怕蚀底，喺呢啲节日要小心啲，哈！我都好想呃到男仔去陪我饮酒，希望愿者上钓啦！不过对象要系敦厚型，唔好畀佢呃返我转头。」