【Juicy叮】嫌新楼落地玻璃惊跌落街畏高男：长期系咁会心脏病

港闻

更新时间：20:32 2021-05-24 HKT
发布时间：19:45 2021-05-24 HKT

超强台风山竹吹袭，红磡海滨广场写字楼受严重破坏，逾百个玻璃窗幕墙破碎。资料图片

玻璃幕墙设计近二十年从商厦扩展至住宅，不过有畏高网民在「香港讨论区」发文，抱怨新楼的落地玻璃设计好恐怖，感觉好似会跌落街，形容长住会心脏病。

网民形容，「对畏高症人来讲，成幅落地玻璃的单位真系住到唔舒服，企系玻璃边感觉上好似个人随时会趺出去，好无安全感，长期系咁真系会心脏病」。他又指，住低层虽无高层恐怖，「但无晒私隐俾街外人睇到你屋企活动」。

他亲身体验，去过朋友家，「企系落地玻璃真系好热又晒，夏天佢会长期开冷气兼拉帘...尤其是依家露台又细又窄又唔畀加高，有次去朋友土瓜湾某豪宅屋企，三十楼，行出去个露台吓到我脚软」。他认为，现在的新楼无必要应用落地玻璃，「去返七八十年代咁仲好，好似太子道西亚皆老街啲单位仲住得舒服！」

有网民认同，「自从山竹，见识过如此劲的台风后，对落地玻璃的设计就有了戒心。」、「平时唔惊，打风真系惊，惊块玻璃会爆」、「有次九龙城高层落地玻璃睇楼，望出去就见到一片唐楼天台，真怀疑自己住天台，感觉唔好。而且落地玻璃你唔会放嘢，变相少佐地方用。而且每次行近真有跳楼feel，命都短几年」。

也有人指出，「最最最唔方便系玻璃污糟要等吊船期先有人清洁，落完雨啲水渍，如晒干咗就有酸雨渍，自己想抹都抹唔倒。」、「落地玻璃搭唔到棚，要维修冷气就麻烦！焗你用吊船，贵贵都要畀。」

帖文转载自《落地玻璃好恐怖！》