隔9年重返娘家演《仁医》周家怡过戏瘾紧要过做主角

头条日报-娱乐

更新时间：04:18 2021-11-05 HKT
发布时间：00:00 2021-11-05 HKT

　　周家怡相隔9年再重返娘家TVB拍摄剧集《星空下的仁医》，饰演外科医生「麦海琪」，她开心今次可以过足戏瘾，多于升呢做主角。她承认以往会想太多无谓嘢，给予自己过度压力，反而不懂得享受拍摄和演戏过程，现在她有大公司支持，会无后顾之忧演出，满意当下状态的她，连拍拖也不心急。撰文：杜杜摄影：叶君海发型：Vincent Yeung
化妆：Herman Ng 服装：ba&sh 场地：Act Place
　　12年离开TVB时家怡还是配角，回归已升呢主角，不过她反而没有特别想是否吐气扬眉，重要是透过作品有所得着，「我开心系我戏份多咗好多，我过嘅戏瘾多咗好多，呢方面会开心啲，我系演员钟意做戏，而家再多啲唔同咗嘅系，睇吓每个角色带到畀自己乜嘢，已经唔会好似以前谂好多其他无谓嘢。」现在她着重角色有没有正面讯息带给观众，「畀啲小朋友睇到啲医生哥哥姐姐都好型，真系好叻，会唔会大个想做医生？！你唔知种咗啲咩落人哋度，如果种到嘅话，我真系随喜，我真系会因为呢样嘢而开心。」
　　家怡承认以往想太多，确实给予自己不少压力，现在签到好公司，更懂得享受演戏和拍摄过程，「尤其离开咗电视台又未入英皇，自由身𠮶段日子，我真系好大压力，成日会谂『我呢套唔衰得㗎，一定要做得好好㗎』，但系咁谂咪错晒啰！都唔享受个过程，一路畀压力，而家开心英皇真系一只好大嘅航空母舰，上咗呢条船个人系会定啲，同埋老板（杨受成）好锡我哋啲艺人，会自己出去同人讲『试吓用我哋，啱啱签咗边个』，令我哋多咗好多机会，同埋我年纪开始大，睇嘅嘢会唔同咗，真系唔会谂埋咁多无谓嘢。」
　　就连感情事，42岁的家怡亦好随缘，「我咁多年都系讲感觉，缘份呢样嘢无得计算，但最好唔好系呢行，不过冇得控制，感情突然间弹出嚟！不过算啦都几十岁仲讲呢啲，而家咁样都几开心自在，我拍亲拖都迷，迷起上嚟点嗌都唔醒㗎！一钟意就好钟意，所有缺点变优点，但唔会无心工作，所以都系算唔好搞咁多嘢，但都希望会出现嘅。」