囡囡改《Oppa看风景》书名郑启泰以Uncle Ray胡枫为目标

头条日报-娱乐

更新时间：04:17 2021-09-27 HKT
发布时间：00:00 2021-09-27 HKT

　　由电台DJ、做主持到50岁之龄才正式拍剧的郑启泰，早前首次推出新书《Oppa看风景》，以他视角抒发入行30年的所见所闻，书名更由19岁囡囡Kayla所改。现年54岁的他开心跟囡囡冇代沟，陪他追星好老友，他直言爱挑战新事物是保持长青方法，更讲明永不言休，以Uncle Ray和胡枫为目标。撰文：杜淑霞摄影：沈健程
　　郑启泰开始执笔，因当年亚视停播，电台只是返partime，闲时到餐厅写作上网，几年间储落大批文章，「原来我写咗八百几十万字，净系摆咗喺网，有个出书嘅朋友话可以出书，出版商亦觉得内容几得意。」由于他做过电台、电影同电视，所见所闻当然有不少大家熟识的名字，「譬如我同古生（古天乐）、吴镇宇拍戏，几个影帝坐喺度，我讲完对白就望住几个影帝做戏，我会写呢啲，由我视角见到镜头以外嘅嘢，所以几好玩。」
陪囡囡追星
　　今次书名由启泰19岁囡囡Kayla所改，「我就写咗几个名问我个女，佢话《太平山上看风景》咁老土，好似狮子山精神𠮶啲，唔系呢个年代嘅嘢，我喺电台有个节目叫《Oppa囡囡Night Night Friend》，佢话你不如叫《Oppa看风景》。」从这事已看出他跟在中大修读城巿规划的囡囡冇代沟，原来他更陪囡囡追星，「我以为佢钟意韩星或者男团，原来佢好钟意《声梦》𠮶三个女仔，有次我做评判带佢去参观，佢开心到傻咗，后尾佢哋演唱会我都带佢去睇。」
　　讲到4年多前才挑战拍剧，启泰坦言最初都心大心细，「谂住签6个骚𠮶啲普通约，点知乐小姐（乐易玲）话你签5年签埋经理人，签𠮶时都差唔多50岁，5年之后55岁会唔会大咗啲呢？但系有个前辈同我讲『你喺个海度，点解唔去个河度，可能带到你去应该去嘅地方』谂住都系嚟做主持，点知第一日就安排咗我拍剧，拍咗4年几我几钟意㖞！拍剧对我嚟讲好新鲜，我o依家做得好开心，有嘢学又好玩。做电台做主持做得耐，但系演戏对我嚟讲系一个新尝试，我每次都抱住学习心情，50几岁仲有想学嘢嘅心态，我为自己呢种想法感恩。」启泰谓电台及电视工作都不会放弃，目标要好似长青的Uncle Ray和胡枫一样，「做到Uncle Ray咁点解唔做，做到修哥咁80岁，开心咪得啰！」