曾收8毫子粮单珍惜机会关嘉敏唔拍拖要做全能演员

头条日报-娱乐

更新时间：04:18 2021-07-17 HKT
发布时间：00:00 2021-07-17 HKT

　　女子组合Bingo队长，26岁嘅关嘉敏（Carman）被TVB罗致成为旗下艺人，之前Carman为咗争取做女拳王一啲都唔锡身，喺《明星运动会前哨战：Fight尽》练习时食李君妍重拳，头晕倒地爆喊。最近她再下一城挑战TVB舞蹈比赛真人骚《盛・舞者》，期望能跳出个未来！采访：方骞平
摄影：谭壹致发型：Don 场地：Teddy Boy Cafe友情岁月古惑仔漫画主题冰室
　　关嘉敏初出道时曾经挨过穷，收过8毫子粮单，因为咁学会把握每个机会，由于《Fight尽》跟《盛·舞者》同时举行，成个6月都非常忙碌，朝早练拳，夜晚排舞：「有时排到凌晨4点真系好攰，我喺的士度望出去反问自己『点解要俾人打？』眼泪就好自然咁流落嚟，尤其练习时中咗李君妍重拳晕倒，师傅仲吓我话『系咪打甩咗棚牙？』当时真系惊到忍唔住泪崩，好靠意志力先顶得住，不过成为女拳王后又觉得辛苦系值得，我未试过上擂台，其实都Enjoy嘅。」
同CY只系朋友
　　虽然自细学中国舞，但Carman参加《盛·舞者》都觉得有难度，因为出道后先开始接触街舞：「靠不停咁自我鼓励，都挨到进入最后一round对决，真系好感动，原来关嘉敏意志几强，我对自己有啲惊喜，原来我好挨得㗎！」未来她最想挑战全能演员，最好似杨紫琼咁做打女！问到绯闻男友CY（陈泽言）可有鼓励她？Carman坦言o依家太忙了，稍后又拍剧，感情事唔谂住！总之尽她能力做得几多得几多，o依家大家系朋友。