红馆开骚成就肥妹传奇林二汶强调做人一定要有梦想

头条日报-娱乐

更新时间：04:17 2021-03-04 HKT
发布时间：00:00 2021-03-04 HKT

　　38岁的林二汶之前为《全民造星III》担任导师，人气高企，更令入行20年的她首夺商台「叱咤乐坛我最喜爱的女歌手」奖。二汶即刻「找数」，宣布3月27及28日举行首个个人红馆骚，是人生第一个超过1000位观众嘅大骚，亦是今年第一个红馆骚！二汶开心成就咗肥妹传奇：「我希望大家唔好唔记得发梦，因为人可以有梦想，梦想系免费嘅，但点样可以将梦想变为一样有价值嘅嘢，呢样嘢系我20年嚟不断做紧嘅事。」
采访：方骞平摄影：谭壹致化妆:：Kris Wong 发型：Derrick Ng@W workshop 形象：Kee Chung 服装：wagamamaplayground 场地：香港海洋公园万豪酒店

　　二汶杀入红馆，外间反应不一，有望穿秋水铁粉，亦有人质疑她资格，甚至话唔想再演变成有确诊嘅「乜乜群组」。林二汶即紧张说：「我啋！冇群组！一定系政府话ok，大家觉得安全先开，唔会勉强去做，所以都辛苦制作同主办团队不断开会update，做多手准备。」
　　对于有评论质疑二汶做一个节目导师就可以上红馆？她有话说，「如果大家有呢啲反应都好正路呀！(唔开心？)我系一个好有自知之明嘅人，以往一定有人好啲，有差啲，有人到位，有人未到位！因为喺每一个人心中，认受性都唔一样，学城城话斋，就算得一个观众，我都会畀心机唱落去，可能个『资格』喺我做完红馆骚之后，先更加有呢？我唔可以对我信任嘅人，错过呢个机会。」她坦承由体形到形象都同一般女歌手唔同，希望藉她有机会踏上呢个舞台，大家都唔好唔记得发梦。
　　提到入行唱足20年，二汶愈做愈有兴趣：「我觉得任《造星III》导师有啲似升咗职做经理咁，有啲靓仔畀我管吓，指派佢哋做适合Project，同年纪打工嘅人，我都应该升到上主管级位置，而中间会谂『究竟我仲应唔应该留喺呢间公司？』所以期间试过做主持、录广告vo、电影配乐，唯一冇变，做所有嘢都系围绕我把声而做。」