同李赏首度演兄妹林德信为落妆搞到成手血

头条日报-娱乐

更新时间：04:19 2021-01-29 HKT
发布时间：00:00 2021-01-29 HKT

　　林德信（Alex）最近跟李进及李敏的长女李赏（Faith）拍ViuTV剧《太平纹身店》，饰演两兄妹，戏外两人亦似兄妹相处，Alex话本身同胞妹都似剧中关系。剧中Alex右手有纹身特技化妆，不过他竟为落妆搞到成手血，谂番都惊惊。由于该剧全程在疫情下拍摄，他们认为拖慢进度反而令大家感情更好，而本在英国大学读法律的Faith，亦因返港避疫配合到宣传。撰文：杜淑霞摄影：谭壹致
发型：Negan Leung@haircorner (Cwb)(Alex) 化妆：Jess Yung(Alex)、Tiffi Wong@tiffimakeup(Faith)
　　Alex和Faith该剧虽然是初次合作，但互相赞对方带给剧组欢乐和正能量，大家合作能够擦出火花。Alex又觉得剧中两人关系，跟自己真实生活好相似，「因为我个妹性格比起我系成熟啲，佢𠮶感觉、佢谂嘢或者style都系，可能我贪玩啲，所以我都系惯咗有个妹，但系都系当佢家姐咁样。」
英国返港避疫
　　讲到拍摄难忘事，Alex首推为落右手的纹身特技妆搞到见红，令在旁听见的Faith都吓一吓，「我每次落个纹身都系要有好多steps，用几次卸妆油抹，又要再冲凉先得，有次我好夜收工，我费事坐喺度畀佢哋落，自己捽吓捽吓，我返到屋企成手都系血㖞！因为我捽到皮都烂晒，后尾我太攰冇理，可能心急太用力，但之后我每次都系畀番佢哋落啦！」
　　该剧在19年尾开机，横跨这个疫情近一年进行拍摄，虽然令制作期延长，但两人觉得辛苦得来也有好处，「不过都好嘅，Faith之前有讲过，可以好多时间去谂，你个角色系点样演。同埋我哋喺太平山街都好舒服，大部份时间系夜晚拍，好似成条街系我哋咁㗎！大家倾吓偈咁几开心。」拍摄期间，Faith要边拍边返学，但因网上上堂多，所以影响不大，而之后她已到英国伦敦大学（UCL）修读法律，本来她预了剧集播出时未必能返港宣传，但当地疫情太严重造就了这次机会，「我喺11月头返咗嚟，今年9月之前都唔谂住返英国，因为真系太严重。」