拍《胶战》同Jeffrey变孖生兄弟 Edan@MIRROR单飞揾Stephy拍MV

头条日报-娱乐

更新时间：04:17 2021-01-04 HKT
发布时间：00:00 2021-01-04 HKT

Edan（吕爵安）@MIRROR同拍过《调教你男友》的靓仔小鲜肉Jeffrey（魏浚笙），最近一齐主持ViuTV游戏节目《胶战》，跟另外4位主持大玩低能搞笑游戏。两人初次合作即变老友，仲搞笑自称是孪生兄弟，更不怕拍完节目被觉「胶」。Edan又自爆将于本月正式单飞，兴奋新歌难得揾来黄伟文填词，他更直言想揾Stephy（邓丽欣）做MV女主角。撰文：杜淑霞摄影：李维隆服装：D-mop(Edan)、 LOEWE(Jeffrey)
23岁Edan和22岁Jeffrey甫出现已不停声称他们是孖生兄弟，好鬼搞笑！Edan话有睇《调教你男友》，而初次见Jeffrey已觉得不得了，「哗！咁靓仔，我哋MIRROR点算！？好奇妙，我哋由完全唔识去到o依家变咗亲兄弟咁！」听见Edan狂赞，唔多好意思的Jeffrey即礼上往来，但好明显口齿不够伶俐，赞「哥哥」Edan变得口窒窒，「又搞笑又唱歌又好听跳舞又……。」
不担心「胶」味更重
　　讲到在节目玩游戏，两人坦言属低分一族，Edan更自认是老鼠屎，「我𠮶时喺《MIRROR Go》都系咁黑仔，以为嚟到呢度会唔同，点知都系咁，个人赛系冇问题嘅，但分组就唔掂，后期系冇人肯同我一组玩。」问到拍完节目会否担心「胶」味更重，Edan搞笑话：「Edan笑话本身都已经好『胶』，都冇包袱嘅。」Jeffrey亦坦言唔怕破坏靓仔形象，可以令观众开心就够。
　　新一年Jeffrey谓因大学最后一年，所以要忙于学业；而Edan就自爆将首度单飞出新歌，「我本身好钟意啲台式情歌，所以第一首歌就想用呢个风格，自己都有份参与作曲。」不过他最开心是邀请到黄伟文填词，「系监制Edward Chan提议，我话系咪真㗎？梗系想啦！呢个都真系一个缘份嚟嘅。」难得有好机会，Edan坦承最近忙于练歌，仲有特别练咬字，「我拍《男排女将》时，导演佢哋都有话我讲对白唔够清楚，我o依家自己睇番都有啲位听唔到自己讲乜，所以有读报纸练习，希望录歌时会好啲。」由于今次是情歌，问到想揾边个「女神」做女主角，他想也不想说：「想揾Stephy啦！哈哈！不过都要睇番到时题材啱唔啱，其实《男排》煞科宴时我都有讲笑问过佢，佢话『得！冇问题呀！畀得起钱就得㗎啦！』哈哈！希望到时佢畀个友情价啦！」