Kelly Online: 水务署教「推人落山」？滴惜仔宣传悭水反惹争议

港闻

更新时间：17:57 2018-12-13 HKT
发布时间：17:13 2018-12-13 HKT

上图为网络热门meme，源自《飘零燕》。

最近消防处「任何仁」一身蓝色战衣出哂位，其他政府宣传物如环保署嘅「大嘥鬼」都好受欢迎。但系水务署的吉祥物「滴惜仔」虽然都系蓝色皮肤又宣传悭水惜食，但似乎「立心不良」，竟然公然「杀人」。

琴晚天寒地冻，相信大家都钟意冲返个热水凉暖身。「滴惜仔」就趁机会宣传悭水，话：「天气冷冲个热水浴，驱走寒意系无问题嘅，不过冲得太耐，唔止嘥水，仲有机会过份冲走皮肤嘅油脂变咗周身痕，你话几咁唔好呢。」而配图坐住轮椅嘅「滴惜朋友」仲话冲咗一粒钟热水凉。结果「滴惜仔」竟然嬲到推咗佢落山！

有部分网民就负评，渲染暴力、意识不良；「我唔冲耐啲凉，你咪又系倒啲东江水落海」；「水务署鼓励杀人」等。另外「滴惜仔」都回应网民幽默留言「倒返滴水落海」，话系「循环再用」；亦有网民赞赏政府公关做得好咗。