Executive日记——星岛集团盛事杰出领袖今晚诞生卢煜明教授跨界别跨世纪再夺殊荣

专栏

更新时间：04:15 2018-03-15 HKT
发布时间：00:00 2018-03-15 HKT

　　今日系一个大日子，新一届香港杰出领袖诞生﹗由星岛新闻集团主办嘅第二十四届「杰出领袖选举」，今晚举行颁奖礼，表扬一班杰出领袖，最瞩目嘅得奖者，系科学家卢煜明教授。Kelly知道，卢教授早于二○○○年已勇夺杰出领袖嘅「科研组别奖」，十七年后佢凭喺商界杰出成就，获颁「工商/金融组别奖」，成为首位跨界别跨世纪嘅得奖者，缔造新纪录！
　　星岛新闻集团自一九九四年起举办「杰出领袖选举」，系每年城中瞩目盛事，深受各界支持，得奖者都对推动香港发展有重大贡献，系港人学习嘅典范。就好似卢煜明教授咁，佢系全球首位发现孕妇血浆内存有胎儿DNA，并发明产前无创诊断技术嘅科学家，凭卓越成就喺二○○○年获得杰出领袖「科研组别奖」。其后佢创立雅士能基因科技及为早期癌症筛查嘅思为诺公司，带领科研发展之余，成功推动广泛应用，喺医学及商业上同样表现出色，所以今届获颁杰出领袖「工商/金融组别奖」，成为首位跨界别跨世纪嘅得奖者！
　　除咗卢教授，今天诞生嘅本届杰出领袖都喺各界树立榜样，并推动香港社会发展进步。佢哋分别来自「工商／金融」、「社区／公共事务／环境保育」、「教育／专业／科技及创新」、「体育／文化／演艺」，以及今年新增嘅「青年企业家」五个组别。
评审委员会成员份量十足
　　今届嘅评审委员会成员都系份量十足嘅社会贤达，主席系周松岗爵士，委员就有陈永棋、陈南禄、蔡元云、梁君彦、李国章、李国栋及徐立之。
　　小妹八卦到，今晚出席晚宴嘅嘉宾都系VVIP，政商界名人将云集君悦酒店宴会大礼堂，由特首、司局长、到上市公司及各大机构嘅主席与CEO、各界专业菁英、名媛才俊，仲有娱圈名人、视帝视后……多到数唔晒！
　　「杰出领袖选举」得奖名单今晚会隆重揭盅，想知晚宴盛况，记住密切留意《星岛日报》、《头条日报》、《The Standard》报道；头条facebook仲会紧贴盛况即时提供第一手报道；明日《星岛日报》会随报附送「2017年杰出领袖选举」特刊，有各得奖者感言及分享成功之道，以及各评审委员评语；而下周一至五喺《星岛日报》内「每日杂志」仲有得奖者专访，一定要睇啦！
Kelly Chu