40岁前男星情人节被老婆狙击！狂呻没钱交电费 12字交代心情令人担忧

更新时间：23:15 2025-02-14 HKT
发布时间：23:15 2025-02-14 HKT

现年40岁张致恒（Steven）与老婆区燕雯（雯雯）结婚5年，婚后连诞四子。二人多年来因财困，不时问人借钱，甚至做「伸手党」向网民求助！就算张致恒近年收心养性，考获「平安卡」后到地盘开工，甚至做外判工人，但仍未扭转穷困。雯雯昨夜（13日）在IG的限时动态连环发功，惨被老婆狙击的张致恒今日（14日）情人节在IG无奈表示：「我真系好攰，有边个系会明白……」。

雯雯连环狙击张致恒

雯雯昨晚十一时许开始在IG出击呻穷，她放负表示：「倒数一小时，过唔到12:00」，随后她再发文：「理性啲，既然明知要cut电，把握时间，准备好一切。」原来她又因为没钱交电费，家中的电力随时被截断。未几，雯雯就删除了「过唔到12:00」这一个发文，再发一个：「如（与）期（其）再求人，不如接受现实去渡过。」

被老婆炮轰张致恒12字回应：

张致恒12字交代心情

雯雯今晨继续发功，「冇得煮饭，冇热水冲奶，所有问题其实你系咪应该有个安排？冇钱交已经系事实，但作为屋企一个男人，就只系喺度等停？」约两小时后，压力爆煲的张致恒在IG的限时动态呻爆表示：「真系好攰，有边个系会明白⋯⋯」

相关阅读：40岁张致恒年尾收炉冇工开雯雯忧冇钱开饭网上发文寻死：成家跳楼

张致恒长年揾工赚生活费：

去年已没钱交水费及电费

去年4月雯雯亦因没钱交电费在IG发文炮轰张致恒，「要发生嘅，终于都发生。你终于都令到屋企发生俾人cut电，完全已经唔系容忍嘅范围之内。小朋友又无得煮嘢食，又无热水冲奶，不停喊，请问你想我点？！」两个月后轮到没钱交水费，雯雯又在网上闹爆：「记住，我一开头点保你，我而家有几癫，癫嘅程度都系你堆积做嘅好事做成！我心里当你透明，就当屋企多个工人！租都冇得交，水费冇得交，面临全家冇屋住，真系仲可以有得食就食有得瞓就瞓？仲可以态度一句我而家系冇，次次一句冇，一句唔够，就一定要我死掂佢？」

相关阅读：张致恒疑无交电费被断电！雯雯无热水为囝囝冲奶又再爆Seed闹老公

雯雯自认发癫钟意公开闹爆

雯雯续说：「系呀！我就系咁过份，钟意公开晒闹，钟意发癫，我保佢嘅时候，你唔讲？！我就系钟意用呢种方法发泄，我冇揽埋啲小朋友自杀，我已经觉得自己好叻女，如果唔系两个需要特别照顾，一个身体差，我真系丢低晒啲嘢话知你，出去做嘢，次次话靠你，真系食屎！出面全部畀人追嘅都系我面对同解决，我又要屋企照顾，我唔识变钱架大佬，次次面临大问题，我就轻轻松松，若无其事去瞓觉！」雯雯还说：「我唔会再忍，亦唔会再受你气，我冇嘢输唔起，大不了全部放弃！我受够你嘅不可一世态度！出新闻咪出新闻，我都出晒名癫，烂命一条，大不了咪离开。」其后雯雯再说：「放心，我未会死住，我答应过个仔会带佢去海洋公园，我一定会先完成理先走，而家好攰，只希望有方法可以令自己平静落嚟。」