大S逝世丨昔日拍档陈晓东独家回应伤感悼念透露大S年轻时拍剧已长期带药傍身兼自备手提氧气筒

更新时间：13:19 2025-02-03 HKT
发布时间：13:19 2025-02-03 HKT

台湾女星徐熙媛（大S）今日（3日）无预警爆出噩耗，证实于日本因流感病逝，终年48岁。对于突如其来的死讯，不少圈中好友都纷纷在社交网帖文悼念，而跟大S于22年前合作戏剧《倩女幽魂》的陈晓东接受《星岛头条》独家访问时透露，年轻时的大S巳经因为身体不好，长期要带药傍身，亦需要特别照顾。

陈晓东表示虽然好多年与大S没有见面，收到这个噩耗感到非常突然，「大S演技已经好纯熟，拍咗成套戏，一齐对住几个月，都系好朋友，私底下都有一齐玩，去到台湾，范晓萱、小S佢哋都好特别照顾我。」他又提到当年与大S拍摄「倩女幽魂」的点滴：「大S系有急性哮喘，去云南拍戏嘅时候，海拔3千米，稍为高少少，佢都要拎住一个手提氧气筒，呼吸上有时都会有困难，𠮶阵时我哋仲开佢玩笑，加上佢仲有间歇性癫痫，但就冇乜点发作嘅。」

他续忆述：「大S身形偏瘦，佢自己都好怕会突然之间哮喘，所以长期带药傍身，同埋佢特别注重卫生，房间都会打扫得好干净；保暖方面都特别注重，带定好多羽绒、棉胎；一去到海拔比较高啲嘅地方，我哋都要等佢慢慢上山，就会听到大S好似有少少唔舒服，当然佢后生嘅时候会顶得顺嘅。」

陈晓东伤感表示：「冇谂过突然间去旅行发生咁嘅意外，系好伤感，损失咗一个好好嘅朋友，好可惜，现正在平复心情。」他亦表示有发讯息给小S问候，对方亦有回应，但不便透露内容，「因为佢哋而家人在外地，相信都着手处理紧，我有send讯息俾小S，小S都有覆我，但系内容就唔公布啦。」

↓立即下载星岛头条App↓