《中年好声音3》女导师自爆生瘤最大逾11cm迫爆子宫 幸已走上康复路
发布时间：22:19 2025-01-29 HKT
TVB歌唱选秀节目《中年好声音3》进行得如火如荼，创作歌手的41岁谢文雅（Casey）担任绿组导师。近日谢文雅身体不适，她在IG贴出CT照片，并自揭患了女性疾病，长有5粒子宫肌瘤，最大的有10.2x9.6x11.4cm，她无奈表示：「我个子宫都畀啲瘤堆实晒，无咩位剩」。
谢文雅自揭生子宫肌瘤
谢文雅昨日（28日）在IG发千字文，谈及最近身边的朋友问她近况如何？「我都会讲笑咁话有一个『好消息』同一个『坏消息』，你想听边个先？其实『好消息』就系我最近做『中年好声音3嘅绿组导师』过程真系好开心好满足，『坏消息』就系我发现我有『子宫肌瘤』，而且size仲要好大。」谢文雅回想到她收到「好消息」同「坏消息」的时间点都是差不多，所以哪一刻都会有一种「世事难料」的感觉。
相关阅读：中年好声音3丨李创伟演绎苦情恋忧郁眼神电晕肥妈 王郑浚仁被刘美君指「肉酸」
谢文雅生5粒子宫肌瘤：
谢文雅已进入康复路
谢文雅续指，她现在已经过了大部分的困惑，并进入手术后的康复道路，「所以大家请放心，我之前唔讲系因为唔想大家担心，而家已经进入另一阶段所以亦都不妨同大家分享，因为过去嘅心路历程有好多我都觉得值得分享，特别系当自己对呢个病嘅资讯贫乏，系有好多嘢会徬徨，所以我都好想透过我嘅分享，去帮助各位姊妹们提高我哋对女性健康嘅关注，同埋当遇到呢啲事情嘅时候有可能经历嘅心理struggles（挣扎），同埋应该点样去一步一步面对。」
相关阅读：中年好声音3丨高菲加入超骑呢团队跳唱！ 「养猪人」胡家健生硬舞姿变「谭辉智2.0」
谢文雅最大的子宫肌瘤逾11cm
谢文雅自斥自己一向都没有健康检查的意识，更从来没有做过身体检查，岂料一检查便出事，「一系就唔check，点知一check就check到子宫里面：最大𠮶个瘤有： 10.2x9.6x11.4cm，第二大𠮶个有：8.6x5.9x6.5cm，仲有三个相对地细啲嘅，基本上我个子宫都畀啲瘤堆实晒，无咩位剩！有妈妈级朋友仲讲笑话咁最大𠮶个瘤咁咪成个bb个头咁大？」本身对这种病资讯贫乏的谢文雅，当第一个医生发现这个情况时，「我系由个心震出嚟。。震到落个身。。再震到落只手。。。」
相关阅读：陀B客串电影下体出血超崩溃 杨千嬅割完子宫肌瘤痛住拎金奖影后
孙慧雪曾患子宫肌瘤？
谢文雅对医生的意见言犹在耳
谢文雅言犹在耳，「我净系记得医生当时同我讲，我啲瘤咁大，切都可能会里面伤口好大会出好多血，微创都未必好多医生肯做，同埋瘤越大。。癌变嘅机会就越高。。。仲有因为我严重贫血，要尽快入院输血。。。我脑里面净系记得呢啲points。。。」谢文雅离开诊所后，她的情绪就开始不受控地涌出来，「喺𠮶段路里面，我望住个天，有种唔知道应该点样面对嘅感觉，同时又觉得如果系大获嘢，我会点样继续带著使命活好余下嘅生命呢？当时我已经谂咗好多好多嘢，然后就收拾起心情继续工作，收工后先再上网揾多啲相关资料，同埋去问多啲唔同人嘅意见。呢个就系我第一刻发现病情嘅时候当日嘅心路历程！」
相关阅读：中年好声音3丨李创伟晒结实胸肌兼麒麟臂被误参加《野男》骚 感情生活成谜半年内成两孩之父惹争议
谢文雅呼吁姊妹们要做身体检查
谢文雅再三提醒各位姊妹们，身体检查真的很重要！「大家试谂下，如果我一早系有检查身体嘅话，可能啲子宫肌瘤好细嘅时候就已经被发现了，根本唔需要等到11cm先走嚟发现啊！！！究竟呢种病其实对我嘅身体同埋生活带嚟乜嘢影响呢？我自己一路以嚟又有冇观察到身体有咩变化呢？其实妇女系应该几时就开始做妇科检查呢？呢种病又究竟有几常见呢？我当时唔知系咪大获嘢时又自己谂定咗啲咩『好好活著理念』呢？文字已太长，下回再分享！#女性健康 #子宫肌瘤」。谢文雅的帖文获圈中好友的王君馨、谭嘉仪、翟威廉、张彦博和李绮雯留言送祝福，祝她早日康复！
相关阅读：中年好声音3丨「女大魔头」获巨肺歌手四字评价 周国丰预言黄博有好大惊
柳岩患甚么妇科病？
谢文雅感谢朋友们的关心及慰问
谢文雅今日（29日）更新IG并感谢朋友们的关心及慰问，「我真系受宠若惊，虽然今次呢个唔系一种急嘅大病，但却系一个契机令我喺个过程里再次思考人生，面对身体嘅软弱，当我谂点样好好活好我嘅生命嘅时候，谂咗好多嘢，我要加强实践以下嘅东西；要对感谢嘅人衷心咁样去say thank you！（唔好觉得我成日多谢你好似太客气，有时又好似讲得好婆妈咁，其实我系真系好想好想道谢啊！）要尽情开心地笑+尽情地感受每一个情绪！需要时给予别人最大力嘅支持及鼓励！见多啲人，相处多啲（已经开始去到见人就揽或起码要掂下手臂嘅地步，下次见到我眼金金望住你或者嚟揽你唔使惊，哈哈哈！）全情投入参与每一件事及细节，其实真系觉得好多嘢都好虚幻，人生如梦，好好投入同发挥生命应有嘅能力+感染力咁去活著就系最重要了！农历新年喇！祝大家笑口常开！新年快乐！最紧要身体健康，仲有每日都平安幸福！！！P S. 我变咗猩猩个样原来系咁，哇哈哈哈！」
相关阅读：黄宗泽44岁绯闻旧爱肚凸凸现身医院妇产科传陀B 去年初割子宫肌瘤一度复发
任家萱Selina亦患子宫肌瘤
其实子宫肌瘤是常见妇生病，不少女星过往亦曾患子宫肌瘤，孙慧雪2017年诞下大仔Riley，她当时曾透露在结婚前发现患有子宫肌瘤，当时医生更指她「冇得生」，后来经过治疗才能成功怀孕。台湾女团S.H.E成员任家萱Selina去年3月宣布陀B，曾透露在2022底榴查时，已发现体内有4颗子宫肌瘤，其中一颗更大约4公分，幸好子宫肌瘤位置并没有影响胎儿，最后亦顺利诞下囝囝「小腰果」。
相关阅读：43岁柳岩手术切子宫肌瘤3个月后复发 孙慧雪曾患同一病被医生指「冇得生」
