邓建明「搏老命」演奏无视伤势夏韶声破例唱《空凳》

更新时间：14:56 2021-11-15 HKT
发布时间：10:45 2021-11-15 HKT

邓建明负伤上阵，亦无碍发挥多次Solo弹奏结他。

夏韶声与邓建明（Joey Tang）一连两场《Arrival Departure 夏韶声 x JOEY TANG LIVE 2021》，昨晚（14日）尾场二人格外兴奋，即使Joey Tang负伤上阵，亦无碍发挥多次Solo弹奏结他，期间二人更不时对弹「Battle」，琴技不分上下令入场Fans如痴如醉！

九展Star Hall首次有演唱会使用巨型天幕，乐迷不时打卡留念，而Joey Tang亦无惧堕台阴影，再次坐在台边弹结他。而尾场个唱亦有不少惊喜，如雷有辉赶赴现场上台撑兄弟，而夏韶声应鼓手要求，临时加插《空凳》一曲：「因为要暪住鼓手比个机会佢怀缅爸爸，所以临时加上去，连Rundown都冇。但系我都好少唱呢首歌，因为我谂起爸爸都会伤心，只系今晚嘅观众有耳福。」夏韶声坦言尾场表现更好，笑指愈做愈兴奋：「好多歌都未唱，但系今次摆明系一个摇滚骚，所以要留返个人演唱会先唱啰！到时一定要揾翻Joey Tang合作，因为佢都熟晒我啲歌，难得大家都仲企到喺个台度，一定要再玩返次。」

Star Hall首次有演唱会使用巨型天幕，乐迷不时打卡留念。

夏韶声坦言尾场表现更好，愈做愈兴奋。

Joey Tang就话自己尾场「搏老命」演出，在台上多谢好友问候，并高呼「冇事嘛」报平安：「寻日跌完只手指系黑色嘅，今日就变咗做紫色，叫做有好转！但嚟紧都有好多演出嘅工作，冇时间比只手去抖吓，但今晚坐满晒观众，实在太High唔会留力，所以玩到好尽兴！我同Danny哥讲如果佢开个人骚，记得留返个Band Leader畀我捞吓，同埋希望到时大家唔使戴口罩入场，大家都健健康康。」