发起嗌救命揾帮手演唱会周启生为身陷绝境乐手筹款

更新时间：14:26 2020-04-23 HKT
发布时间：00:18 2020-04-23 HKT

电影人黄百鸣亦应捐了一笔可观数字。

新冠肺炎全球大流行，香港过百场演唱会被取消，一班没有固定收入的职业乐手首当其冲，继「歌神」许冠杰搞咗个Online Concert帮助通利失业技师后，入行40多年音乐人周启生，数年前成立咗个「音乐人饮茶会」，凝聚前辈音乐人，眼见兄弟们的惨况，周启生决定于6月1日，59岁生日当天，举行「爱港@你+我」网上音乐会，他强调系一个嗌救命揾帮手嘅演唱会，而唔系筹款演唱会。

他表示，今次最紧要系帮到身陷绝境嘅香港职业乐手，亦可以畀到士气佢哋：「好多音乐人好大花筒，又冇积蓄，仲要租屋住，之前社会运动，兰桂坊夜场经已受到冲击，𠵱家关闭晒夜场，有好几个朋友话有半年完全冇工开，佢哋生活拮据得令人好担心，好需要应急钱，初步目标筹到有25万，可以分到畀50个本地乐手，每人5000蚊，等佢哋撑住先，挨到政府派𠮶一万蚊。当然应急钱愈多愈好，咁就可以帮到更多乐手。

由于成事件由构思到起动唔够三日，连演出场地都未有，预计会唱10几首歌，不过好多谢陈龙华做义务监制，黄龙德会计师事务所捐钱，兼免费做核数，百鸣哥（黄百鸣）半夜就回复话捐钱，仲系一笔可观数字。对于Sam Hui Online Concert都惹来负评，指他系「上一年代嘅产物」，周启生就话唔怕：「我都就快59岁，都好out，人老但有用，对阿Sam系有赞冇弹嘅。」