祖马龙心水│「星之愿」摩西过红海

名家专栏

更新时间：18:49 2025-11-18 HKT
发布时间：18:49 2025-11-18 HKT

跑马嘅时间过得特别快，唔经唔觉马季已经接近四分一。跑马嘅日子，个人特别有时间观念，日子过得特别有意义，每年开季前夕都特别期待，毕竟无马跑嘅暑假非常漫长。

好多马迷都系打工仔，一个礼拜返五、六日工，礼拜三系一个礼拜嘅中间，有种吊颈可以唞下气嘅感觉，又有少少似煲汤落盐，带出鲜味，可以调剂生活！

祖马龙没有十蚊博一球𠮶种刀仔锯大树嘅雄心壮志，平时刨马只系希望命中，好分头就当系额外奖励，有少少似茶餐厅做多几轮客，密食当三番。

今期食食下干炒牛河期间，饮啖冻柠茶，碌下马会个手机App，发觉第五场「星之愿」几啱心水。上场觉得佢留得太后，以及太迟发力，导致直路追唔切，决定再畀机会佢。尤其今仗预计有步速，假如一堆快马都开个慢步速，咁就唯有怨命。但祖马龙相信缘分，或许「星之愿」好似摩西过红海咁，能够靠一条直路冲上杀晒，希望上次输咗，有助今次换来分头。

第五场 2 飞龙在天 5 枕头之星 3 天火同人
第六场 7 星之愿 5 红钱到 9 建测精英

↓立即下载星岛头条App↓