港铁扶手电梯险酿巨灾 钻石山站乘客拎行李疑失平衡向后跌倒 撞向后方3名乘客｜Juicy叮
发布时间：15:48 2025-11-11 HKT
港铁不时推广「带大型行李搭䢂」的安全习惯，但屯马线一车站的扶手电梯上，日前却因为怀疑有人贪一时方便而险酿成巨灾，有网民指，梯上两个人拎3个喼但失手，行李箱顿变保龄球，形容当时「老人家骨牌咁冧」。
港铁回复《星岛头条》查询时表示，根据记录，11月7日下午，一名携带行李的乘客，在钻石山站屯马线月台前往大堂的扶手电梯上，怀疑失平衡向后跌倒，撞向后方3名乘客，期间有乘客按停扶手电梯，职员到场处理及向乘客提供协助。详情见下图及下文：
屯马线扶手电梯险酿巨灾 两个人拎3个喼失手逐张睇↓↓↓↓
楼主：前面几个老人家骨牌咁冧
楼主本月7日在社交平台Threads上载两张相片发帖，留言指「黐线差啲夹死，咁大个gip（喼）上扶手电梯，一上扶手电梯就有人叫救命，前面几个老人家骨牌咁冧，好彩有人即刻啪停条梯，有人抽返我出嚟」。楼主接著称，「职员嚟到啲人就散晒，目击者话系两个人拎3个gip失手跌gip」。
从楼主上载的两张照片中见到，扶手电梯两边乘客都在紧张地张望，有人指手画脚，，有人还拖著喼；左边一名紫色外套的女子更加反著方向行。
另一张相见到，疑似涉事的行李箱流落在扶手电梯口，旁边是往屯门方向的月台。楼主在回应栏补充，「两个人拎3个gip，另外两个gip都只系细少少」。
相关阅读：翻侧轮椅照疯传！屯门轮椅长者商场搭扶手梯向后翻 后续结果曝光
港铁：携带行李的乘客疑失平衡向后跌倒
有回应的网民估计，现场可能是钻石山站一扶手电梯。而港铁回复《星岛头条》查询时表示，一直透过不同渠道，推广使用扶手电梯的安全，并宣传携带大型物品、手推车或婴儿车等的乘客应使用升降机。
港铁表示，根据记录，11月7日下午，一名携带行李的乘客，在钻石山站屯马线月台前往大堂的扶手电梯上，怀疑失平衡向后跌倒，撞向后方3名乘客，期间有乘客按停扶手电梯，职员到场处理及向乘客提供协助。
港铁借此机会再次呼吁乘客为己为人，携带大型物品时应使用升降机，职员会不时巡视车站，致力为乘客提供安全的车站环境。
网民闹爆：靠害
事发后，网民也相当关注乘搭扶手电梯的安全问题，指：
•仲要咁大个喼，得两个人拎好心就搭䢂啦，靠害；
•唔好话跌喼，前面啲人行得慢，或者塞咗喺度唔行都已经好危险；
•好心搭䢂喇，平时两手fing fing（揈揈）就走去搭䢂，攞咁多嘢就搭扶手电梯，系咪傻㗎？
•几时都话拎大型行李唔该死去搭䢂啦，拎车仔啲老人家又成日唔听话，睇少一眼真系累人累物，整到边个都唔好啦；
•喼都好啲，BB车。入面有个真人嘅BB车，跌𠮶阵时，大人顾得自己，定车仔，定车入面个BB呢⋯，非常、超级、极之、自私又无公德心。
另有人提醒「通常我见到咁大个喼上扶手电梯我一定唔会搭住」。
相关阅读：旺角爆扶手电梯大战险酿人踩人 拖大喼行李男女塞电梯冲突 身后仲有BB车 路人惊呼：喂！行啦！
网民分享类似所见所闻
有不少网民分享类似的所见所闻：
•一模一样的情况我在尖沙嘴地铁看到过！！好危险；
•我之前喺钻石山站都见过一次，不过还好人唔多，又系几个游客嘅大gip跌落去撞到人⋯⋯；
•钻石山马铁站咁长电梯一出事好难；
•我都试过上面有人跌喼，我急用著脚顶住个喼，好彩无咩人，我即刻叫佢哋快啲拎返个喼 ；
•之前喺启德上SOGO𠮶条电梯已经系啦，后面有人推住架BB车，可能夹到条罅，个电梯自动停咗，吓鬼死，好在我哋已经上到顶冇跌亲 ，好心搭䢂；
•放产假前返工喺香港站搭扶手梯上行。已经等啲阿毛阿伯gip神上先。点知前面阿婶拉住个买餸车未扶稳就喺度摷孭袋，顺势架车仔（喺扶手梯咗边）向后look（碌）。我即刻贴到最右边。但阿婶想捉住车仔自己又失平衡，成个人瞓落嚟我度。我一手护住个肚一手推佢上去，好彩自己够大力冇俾佢责亲。吓到我个心离一离。自此到临生前我去边都系搭升降机上落了；
•上次福田口岸也有人跌喼！这是不小心？太大意了吧，上次跌了4级被我挡著了，才刚下梯不久，不然跌下去前面的一定撞跌，我脚也被撞瘀，超变态；
•好彩你冇事！下次见到啲拎gip人，拖车仔嘅，避开佢哋！我冇咁好彩，上年搭电梯落月台，冇玩电话，扶实扶手，突然间俾个身位企后几个嘅呀婆叉错脚碌落嚟，我企前面俾佢压落嚟，喺电梯碌咗几个圈，其中一只脚流晒血，即场俾救护车送咗入医院。个伤口要缝针。自此之后我坐亲电梯都望前望后，一见有唔对路就避开；
•呢啲真系害人不浅，求其中一个都出事，我都试过系韩国搭地铁转车去机场，其中要搭一条长电梯，ＸＸ突然听到人大叫，即刻望后睇咩事，望住个gip滚雪球咁碌落嚟，好Ｘ彩个个都系企系同一边，我老豆一嘢踢开个gip（当然比我闹咗阵，万一整亲自己点算）。Anyway（不管怎样）最后发现系两个香港女仔拎住3个gip仲要满手都系嘢，Ｘ街，你3个gip搭乜Ｘ电梯呀。
资料来源：q0w0p.ha＠Threads
相关阅读：港铁外佣单手扯BB车搭扶手梯 乘客拦截不听：状况有点危险！↓↓↓↓
今年3月，有网民在港铁坚尼地城站，遇见一名外佣竟以弯身单手方式，扯实BB车搭扶手电梯，险象环生，该网民出手拦截，但该外佣不听，一意孤行，连下两条扶手梯，「状况有点危险」。该网民在「西环变幻时」FB专页发帖，讲述事件如下↓↓↓↓
