网上流传「低质男友10大特征」 事事扮穷仅排第4位 网民赞经典：遇过咁嘅人｜Juicy叮
发布时间：17:01 2025-06-09 HKT
拍拖开心最重要，但前题是要找对的人。网上近日流传一份给港女发出的「必睇警报」，列出「低质男友10大特征」，好心提醒「低质男唔cut（中断），迟早cut你青春」。详情见下图及下文：
列低质男友10大特征 事事扮穷仅排第4位逐张睇↓↓↓↓
低质男友10大特征
楼主早前在社交平台Threads以「低质男友10大特征（港女警报必睇）」为题发帖：
1. 有事揾你、冇事潜水
每日问你食咗饭未，但从来唔约你食饭。
2.永远冇时间，但IG成日见到佢打机／打边炉
工作忙到唔可以回复你，打机就每日online（上线）。
3.金句之王：「咁样都要嬲？」
唔知自己做错咗咩，仲怪你小题大做。
4.事事扮穷，张单一定要你夹埋俾
话自己冇钱请你食饭，但隔两日就去买figure（模型）。
5.用你当免费情绪垃圾桶
开心揾兄弟，唔开心就揾你倾苦水。
6.将你介绍俾朋友时叫你「个Friend（朋友）」
情人节前特别神秘，唔公开你身份仲当你系秘密情人。
7.所有承诺都冇兑现过
话会改、话会努力、话会对你好——全部都系「话」啫。
8.成日讲「我唔钟意啲女咁打扮／化咁浓妆」
你有样佢唔识欣赏，街上见到女神就偷望唔停。
9.同你计到尽，连搭车都要你找续
穷唔紧要，最怕系又小器又计较。
10.最恐怖：你都知佢唔掂，但你仲唔舍得放手
知道自己沉船，但仲安慰自己「可能佢有苦衷」。
网民：也可套用落女仔度
楼主提醒「低质男唔cut（中断），迟早cut你青春。识得分清楚，先可以为真正嘅幸福让路」。有回应的网民相当认同，留言指「笑死，好几项都几经典，之前遇过咁嘅人，好熟悉嘅话术」。有人则从中看到「吸引力法则」，认为「咩人识咩仔...」；有人还抵死地表示，「好多都可以apply（套用）返落女仔度」。
资料来源：helenn_wong＠Threads
相关阅读：拍拖6年拟拉埋天窗 男方只肯影结婚相 港女一再退让：净搞观礼 准新郎坚拒 绝情说出6个字......↓↓↓↓
待嫁姑娘本应甜蜜开心，对未来新生活充满憧憬，但有港女却在答应男友求婚后，双方在筹备婚礼上出现分歧，加上准新郎抛出了一句狠话，令这位准新娘委屈巴巴，在无计可施、无人可倾诉底下，唯有在网上发长文大呻，并征询网民意见。网民也如实地讲出心底话，特别提醒要警惕「恋爱脑」。
楼主在长文中提到，拍拖6年，与男友准备拉埋天窗，但原来男方的底线是只肯影结𦈏相，坚拒其他婚礼的细节流程，即使准新娘一再退让要求只搞观礼，也被对方拒绝，且还绝情地说出令人心碎的6个字。详情见下图及下文↓↓↓↓
