的哥拾金不昧满载金牛散纸包物归原主网民惊羡：$8500系碎银？｜Juicy叮

时事热话

更新时间：08:26 2023-12-28 HKT
发布时间：08:26 2023-12-28 HKT

有大头虾乘客早前搭的士时遗下载有八达通卡、提款卡和大叠金牛的散纸包，幸获好心司机送到警署，失物最终原封不动物归原主。

满怀感激之心的楼主在facebook专页「香港失物报失及认领群组」上载相片发帖感谢的哥，网民恭贺之声不绝，但却错重点地关注散纸包内的银码，惊呼「$8500系碎银」，感慨「贫穷限制咗我嘅思想」。

8500元袋散纸包逐张睇↓↓↓↓＋网民赞好回应↓↓↓↓

楼主在帖文中报喜——「觉得好幸运开心，感激执返我嘅散纸包嘅司机。全数$8500、八达通、提款卡全部嘢都喺晒度。刚在秀茂坪警署已取回」，并在回应栏补充「好开心㖞，好感激𠮶位司机」、「所有嘢都冇唔见」。

网民异口同声大赞拾金不昧的司机，指「司机要表扬，好人好事！」、「好人有好报的，大家祝福个的士司机」、「要畀个like司机」、「好难得，祝福司机大佬生意兴隆，日日满客！」。

8500元袋散纸包逐张睇↓↓↓↓＋网民赞好回应↓↓↓↓

另有网民认为楼主好彩，指「真好运，遇到个好司机」、「恭喜你，居然有唔贪心嘅的士佬帮你交去差馆，真系好少见到」、「你真系好好彩呵，司机好人有好报」，并提醒「下次唔好咁大懵，唔系有咁多好心嘅的士司机㗎」、「恭喜你。真系好好彩。下次小心啲」。

网民：视8500元为碎银

接著有网民将重点放于散纸包内的金牛，惊讶楼主8500大元放散纸包，视8500元为碎银——

「$8500系碎银」、
「呢啲都叫散纸咩」、
「不过8500元都只系散纸」、
「劲、好彩、$8500只系散纸」、
「恭喜你揾返，下次唔好带咁多散纸出街」、
「贫穷限制咗我嘅思想，我银包都无$850......人哋$8500都系放散纸包」、
「普通人嘅8个半系用散纸包，有钱人嘅8个半（$8500）都系用散纸包」、
「有钱人，$8500呢啲系散纸」。