港人拒北上惟感本地食肆「帮唔落」?力数5大赶客行为「宁愿返屋企煮」 网民叹:体验的确差
发布时间:15:56 2026-11-17 HKT
近年不少港人热衷于北上深圳玩乐,不过仍有市民选择在港消费。不过,有港人日前在社交平台大吐苦水,直言自己虽「1000%坚决不北上」,惟香港食肆的用餐体验与服务态度屡次令他感到失望,无奈感叹「真系帮唔落」,又力数5大赶客行为,坦言「宁愿返屋企煮」。帖文掀起网民共鸣,表示付出相对较高价格,「最基本服务同食物质素都比唔到」。
本地食肆服务令港人叹「帮唔落」 列5大赶客行为宁在家用餐
本地食肆的服务态度一向备受关注,惟近年受市民北上消费及本地经营成本上升影响,部份餐厅、酒楼相继结业。近日,有坚持留港消费的港人于网上发文,批评本地部份食肆「帮唔落」,更力数5大赶客行为,令客人不愿再次光顾。楼主首先指出餐厅一方面指出市道差,「一边态度超差唔忧做咁款」;其次是安排客人入座时,不解餐厅为何明明有空位,「系都要你坐厕所门口或搭枱」。
至于用餐时间与性价比方面,楼主同样感到无奈。他表示,部份餐厅最后落单时间为8时半,「迟一分钟都唔俾入,我OT到8点几,好肚饿想帮衬都冇法」。同时,楼主认为食肆既非供应自助餐,不解为何午饭时间仍要限时:「明明冇新客入大把位,又唔系落场时间,系都要赶你走」。最后,楼主怒轰酒楼或餐厅已收茶钱及加一服务费,但未有提供相应的服务,「要人加水都要讲10次,仲未计有啲又贵又唔好食,份量又少」,坦言既然如此,「宁愿返屋企自己煮或食啲集团嘢,起码味道正常又唔使受气」。
网民感同身受:真系帮衬唔落
帖文引起广大网民共鸣,不少人表示深有同感,指出本地餐饮体验确越来越差,纵使支持留港消费,仍有感「有啲餐厅的确系争唔落」、「香港饮食业永远唔会检讨吓自己,食材差、环境差、服务态度差搞到生意滑落,然后赖人哋北上」。有网友不解餐厅的入座安排,从而减低光顾意欲:「明明大把位都俾个近厨房门口嘅位,隔离仲放一大堆等洗嘅污糟碗碟」、「最唔明间餐厅冇人,但系要迫埋一齐坐」、「我成日都一个人食嘢,就硬系偏偏安排喺啲情侣随离度坐」。
对于收费与服务质素不对等的现象,一众网民纷纷痛批食肆转用二维码落单,就连斟水亦要客人自理,惟结账时仍收取加一服务费,再加上限制用餐时间更为赶客:「最惨系明明叫嘅嘢食都唔平,但俾啲仲衰过自己煮嘅嘢俾我食」、「有啲餐厅尤其后生妹serve𠮶啲cafe,真系黑口黑面,饮杯咖啡都要睇面色」、「唔系唔想比,系比完呢个价,你连最基本嘅服务同食物质素都比唔到,谂住你唔算平,都已经screen走一班平客,点知间餐厅本身就交唔到应有嘅质素」。
也有网民反驳楼主的观点,认为餐厅坚持最后下单时间为合理做法,因关门前后亦需时进行清洁工作,「坚持last order时间我又觉得冇错㖞,好过俾你入嚟跟住系咁拖地执嘢赶你走啦」;有人则表示「去开好服务嘅就要继续去,唔掂当嘅小店就立刻black list。肯比钱食好啲服务好嘅一定有。」
文:R
资料及图片来源:Threads
延伸阅读:港式效率VS服务态度差?内地客呻茶记用餐受气 落单谂10秒被吼+1冷对待感难受 网民解释:对所有人都一样

















