旺角小食店被批「㓥客」！港男买烧卖鱼蛋+乌龙茶承惠$XX嘲「被鱼蛋妹劈一刀」 网民提1点勿中招
发布时间：16:40 2025-11-17 HKT
香港街头小食向来深受本地人及海外旅客欢迎，惟稍一不慎或会被店家引导以高额消费？近日，有港人路经旺角洗衣街近金鸡广场一间小食店，打算买一串鱼蛋「过口瘾」，岂料一个不留神就被女店员以「层递方式」推销成功，答应加购烧卖及饮品，至付款时才更被金额所震惊！事件迅速在社交平台引起网民热议，有曾「中招」的网民直言「呢间野（嘢）冇下次啦」，同时提醒消费者可以留意一点分辨小食店是否「㓥客」，详情即睇下文。
旺角鱼蛋档被批「㓥客」！港男$XX买烧卖鱼蛋自嘲「被鱼蛋妹劈一刀」
最近，有网民在Facebook群组「香港茶餐厅及美食关注组」以「一个不留神，被鱼蛋妹劈一刀」为题发文，指日前下午途经旺角洗衣街近金鸡广场一间小食店，决定买一串鱼蛋「过口瘾」。然而，当他向女店员表示要一串鱼蛋时，女店员问：「使唔使加烧卖呀？」事主心想无妨，于是回应「好呀！」女店员随即再问：「使唔使加支饮品呀？」事主又表示「好呀，有冇Coke Zero？」女店员指「冇，要乌龙茶吧！」此时事主仍不虞有诈，惟结帐时听到金额后大吓一惊，「我话好呀！几多钱？妹仔话$50，我成个人呆咗，『O』晒咀！」
据事主表示，他原本预算鱼蛋$10、烧卖$10及饮品$10，总数最多约$30，没想到竟然索价$50，形容店员的推销过程层层推进，「呢份小食收我$50，呢档嘢真系识卖嘢，一层层加上去，咁就中招，真系不吐不快！」后来他一边食一边观察，发现「其他客人买嘢，都系咁推上去」，大叹店员推销手法非常厉害，「失传的层压式推销法，叹为观止，我认输啦！」
网民：50蚊可以坐低食个晚餐
事件公开后，有网民直言「50（元）可以坐低食个晚餐」、「去茶记坐低慢慢食都滋味过佢」，亦有网民分享类似经历，直言下次不会再光顾，「呢间野（嘢）冇下次啦，专揾游客生意嘅啫我谂。我上2个星期又系买咗一串鱼蛋再加一串烧卖再问你要唔要支蔗汁饮下，多谢70蚊啦」、「师兄，系你好人咋！呢度咁样$50？我会问返佢，你俾我呀？跟住我会行咗去。呢档嘢专嚟揾啲游客笨，之前我有个朋友都舐过嘢！佢觉得唔好意思，焗住俾钱。」
此外，有网民提醒如光顾游客区的小食店时，要留意该店是否有标明价钱，「基本上无标明价钱个啲小食档，全部都系㓥客」、「冇价钱嘅一律唔会帮衬」；有网民则笑言「咩都话好，价钱都唔睇，系你自己唔好」、「可以去Google map睇吓啲评论，全部1粒星，唔容易攞到」。
来源：香港茶餐厅及美食关注组@Facebook
同场加映：连锁店白粥索价吓塞港男！物价腾升惨呻「可能太耐冇出去食」 网民︰不如食两餸饭
