陈豪想去启德开金口洗污名 赢偶像罗嘉良赞赏开心过攞奖
发布时间:20:45 2026-11-22 HKT
陈豪今日(22日)到沙田马场出席活动,提到他主演的剧集《玫瑰战争》热播,问是否有人叫他做「生哥」?他笑言有。对于罗嘉良表示也有收看,赞他演得好,他即开心地反问︰「真系呀?」称得到偶像称赞比攞奖更好,指台庆当晚罗嘉良无跟他说,问可能怕他嚣张?他即说:「系呀,我会嘅!系开心嘅,成出剧热度都几好,多人睇。同埋追看性、观众钟意程度、大家讨论度,都比意外中更好,大家投入睇剧𠮶样嘢,我觉得对而家电视业系好事。」
陈豪被赞皱纹有戏
对于网民赞他连皱纹都有戏,陈豪笑说:「不嬲都有,坦白讲,当我哋专注喺演戏𠮶阵,我哋乜嘢都会抛开,你话点样衰,已经全部都抛开,冇理𠮶啲嘢。(好耐冇做过咁衰嘅角色?)少啲,好耐冇做过野兽,(喺屋企做?)唔得,我屋企咁多小朋友。(间房做?)I like it!好坏,我钟意呀!大家对野兽嘅理解都唔一样。」问他角色最后下场被割喉而死,是否难忘?他指不觉得是演戏:「我觉得自己就系生哥,生哥喺我理解之下系应该变成咁,天生就系野兽。好多人一开头想帮我呢个角色讲好说话,我成日都话其实唔需要,唔使帮佢讲,坏人就系坏人,我都冇乜所谓。做演员就系咁,有时做好人,有时做坏人,乜都试。」至于子女有无看剧?他指没有,他们早起床所以很早睡觉,又指小朋友知道父母是做演员,间中看一看也可以,但不敢让他们看太多。
陈豪扔爆网球拍
陈豪续说,平日教小朋友,很少发恶,认为这不是正确的教导方法,「我最注重小朋友专注力。」当仔女心散讲又唔听,就会以严厉方式让他们专心。陈豪坦言自己脾气大,尤其是在打网球时会扔球拍,打烂了约十块:「我EQ高,就算拍剧拍得几辛苦,好少发脾气。」提到许涛在台庆宣布将开拍5出剧,陈豪透露拍其中一套时装剧。至于来年在启德主场馆的Show,他指听到后,「我嘅歌艺蠢蠢欲动!」提到他上次「坠机」(他登台唱《岁月如歌》时走音,网民戏称像飞机失事「坠机」 )后还未起飞,陈豪说:「公司讲咗好多嘢,等佢哋安排,我冇乜所谓,(要你唱歌OK ?)大家咁想听,买埋飞,我冇得唔唱啦系咪?(听你起飞!)我会唱返架飞机飞返上去!」

















