欧阳震华谈病危吓亲老婆:佢当时冇晒表情 与傅洁娴不生育达共识 计划齐住豪华老人院

更新时间:10:00 2026-11-17 HKT
发布时间:10:00 2026-11-17 HKT

现年66岁的欧阳震华(Bobby)近日接受资深传媒人汪曼玲的YouTube频道《快拍.曼镜头》访问,大谈大病痊愈后的慢活人生。欧阳震华坦言年轻时拍剧太过搏命,曾两度徘徊生死边缘,令他彻底看透人生:「呢个经历都令我睇透咗、睇开咗好多嘢。人一定系有因有果嘅,你种善因得善果,可能我后生时太过百厌啦。」他忆述第一次危机,是当年凭《赌场风云》入围国际艾美奖最后五强,成为首位获此提名的香港电视男艺人,但同时又要日以继夜赶拍《法证先锋II》,在长期高压下终于累出病,甚至「生蛇」直上鼻头:「𠮶时肿到个鼻好似猪胆咁。我去咗48小时,一碗白粥都食唔晒,好似一万支针拮住块面咁。」至于第二次闯鬼门关,则是因为急性肺炎送院抢救,一度收到病危通知书,情况极度危殆:「大病𠮶次,昏迷咗十几个钟,吓死佢(太太)啦,要送院抢救。佢当时冇晒表情,只系望住啲仪器。睇住啲仪器推出推入,我都好多谢医生同护士,真系到而家都好感激佢哋。」

欧阳震华独门「进食次序」 轻松搣甩中央肥胖

经历过生死大关与疫情洗礼后,昔日身形圆润的欧阳震华决心戒掉重口味,透过钻研养生饮食成功甩掉大肚腩。他在镜头前明显消瘦不少,但精神奕奕,更分享了个人的瘦身秘诀:「有啲观众会担心我,而家唔系欧阳胖胖,而家瘦咗啦。咁其实饮食系关事嘅,我而家成日喺屋企睇𠮶啲健康平台,睇吓其实好多人进食个次序,其实一路都系错,所以你哋会肥。根据科学解释,我哋消化嘅次序呢,就食菜先,食菜,跟住食鱼食肉,最后先至食主食,即系食饭。」欧阳震华表示不用挨饿节食,单靠调整进食次序,就让他成功减走内脏脂肪:「我个磅数无乜点郁,但系中央肥胖就真系减咗好多。我之前有少少脂肪肝,我个医生同我讲:『你冇肚腩应该无脂肪肝啦。』」

相关阅读:欧阳震华娶傅老榕孙女傅洁娴被标签「食软饭」 认心态不平衡:未使过老婆一分钱

欧阳震华计划未来入住豪华老人院

欧阳震华与太太傅洁娴结婚30年一直恩爱如昔,但两人早在婚前已达成不生育的共识。被问到为何坚持不生小朋友,欧阳震华坦言当年结婚时自己心智尚未成熟,加上深知养儿育女责任重大:「因为𠮶时结婚都成三十岁,虽然有三十岁嘅外壳,但个脑都系得十几岁。我好多嘢都未见过,好多嘢我都未玩过,生个出嚟,你唔系生完就完咗呢件事,你呢件事系啱啱开始咋,后面𠮶啲棘手嘢系跟住嚟。」对于无儿无女的晚年规划,他表现得相当豁达:「第时老咗冇人照顾,咪双双入老人院啰,唔一定要坐轮椅先入去嘛,而家啲老人院好豪华㗎,有伴又有人照顾埋,生活一样可以好开心。」

欧阳震华获宣萱认证属正人君子

身处五光十色的娱乐圈,欧阳震华历年来的拍档位位都是TVB一线花旦,但他却是圈中著名的「绯闻绝缘体」。问到是否因此给了太太最大的安全感,欧阳震华即幽默地说:「谂就有咁谂嘅,边个男人唔谂呀?但我哋要行得正企得正。好似之前崔建邦访问宣萱,宣萱话:『呢个你放心,佢系一个正人君子,佢得把口,唔会有咸猪手。』」他更开玩笑说:「同我合作过咁多个,都系一级靓女啦,真系冇(绯闻)㖞!咁佢哋应该检讨下,哈哈!我老婆咁钟意我,就真系呢种安全感。喺TVB揾都揾个靓仔啲啦,所以我唔会出轨,佢好放心。」

相关阅读:古天乐、欧阳震华相隔近30年再合体 勾起网民集体回忆 Bobby面颊凹陷暴瘦惹健康危机?