容祖儿孖903DJ「唱K大战」 自爆开骚狠心弃Medley
发布时间：16:15 2026-11-11 HKT
容祖儿近日为明年1月举行、由英皇娱乐主办的《AURA 容祖儿演唱会》密密落力宣传，早前联同商台举行《903 DJ－Joey Hits Battle同容祖儿去唱K》活动，召集一众903 DJ与她大玩唱K。森美、云妮、朱薰、梁文礼、阿正、Elsie、余德丞、急急子、Oscar、梁子、歪歪、阿宁、Woody、Dickson、Jacky及阿酸等商台DJ几乎全员出动，而且每人均选唱祖儿的大热歌曲，如《痛爱》、《怯》、《烟霞》、《特别嘉宾》、《心之科学》、《全身暑假》等，不过梁文礼则是唯一一个选了国语歌，而且亦比较偏门的《亚亚亚》，就连祖儿都话难唱，「歌词又密，我自己唱都打晒『kick』！」
森美拣歌拣足三个钟
至于森美则选了《啜泣》，更自爆拣歌拣足三个钟，「今日为咗你，我拣咗好耐歌，三个钟头呀！因为个个同事都拣你唔同嘅歌，啲热播歌好难抢。去到最后我拣咗首《啜泣》。」祖儿即指《啜泣》有个位自己也觉得难，「开头系有少少好似清唱，同埋冇乜音，要攞准个Key。」森美即笑说：「唔使担心，我应该攞唔正个Key嘅。」随后解释拣歌原因，「我钟意呢首歌嘅原因系因为呢首歌好凄美，阿夕（林夕）写词嘅时候，感受到𠮶种女仔暗恋一个人，得唔到𠮶种感觉。好似我几十年前就暗恋咗啱啱初出道嘅祖儿嘅时候，哗，天后，我哋呢啲小歌迷点会钟意到佢呢？」又笑言当时的自己还是搞笑艺人，面对刚出道的祖儿，只能把暗恋心情化作「啜泣」，全场即时大笑。
容祖儿剧透不同场次或有不同曲目
提到演唱会选曲，祖儿透露团队曾多次开会讨论是否加入Medley。因为过往Medley几乎已成为她演唱会的固定环节，但今次她决定作出大胆取舍，尝试完整演绎更多歌曲，让每首作品保留原本的音乐面貌，「何丙直程系用咗呢两个字：『狠心啲啦你 ！冇medley！』因为真系想原汁原味咁样唱𠮶一首歌出嚟，开头我话好，但过咗几日之后我又问：『系咪真㗎？』」她解释，若每首歌均完整演唱，可选歌曲数目自然会减少，团队需要在歌曲完整度及曲目数量之间作出取舍。祖儿又剧透，不同场次或会安排不同曲目，为观众带来不一样的歌曲。
容祖儿唱K「攞汤令山嚟唱」
问到平时唱K唱甚么歌？祖儿坦言如果朋友叫她唱一、两首自己的歌都会唱，「但如果要我自己点歌呢，就会尽量点人哋啲歌，因为我都系一个听众嚟㗎嘛，都会钟意最近嘅一啲歌。」她透露最近一次唱K都是「攞汤令山嚟唱」，「孙燕姿都系一个必选嘅，𠮶首《我不难过》，唱起上嚟都真系好难，『好难过』呀，哈哈。」
容祖儿成功答中一题「估歌仔」
除了唱K，期间更即兴加插「估歌仔」环节，每首歌曲只播放约两、三秒，一众DJ已迅速抢咪回答，而祖儿则还在思考中，初段只答对了一、两题。有工作人员忍不住笑她，「容祖儿加油呀！你平时唔系咁嘅成绩㗎㖞！」祖儿即解释：「我系80年代㗎嘛……」游戏接近尾声，朱薰也忍不住向祖儿说：「歌手答番题啦。」祖儿即谓：「我平时好叻㗎……大家够唔够胆往后多10年！90年代。」众DJ立即赞成，阿正更笑说：「我希望睇到祖儿答啱一题先走。」最后播出王菲的《爱与痛的边缘》，一众DJ都未有动作，反而在等祖儿「抢」咪回答，答中后，众人为祖儿大声欢呼兼拍手，场面搞笑。
容祖儿大赞阿正同Elsie
今次与一众903 DJ唱K，祖儿觉得这次是一个很好的活动，「佢哋话其实就算佢哋自己都好少咁样嘅唱K，今次因为呢个原因，大家好开心，寓工作于娱乐。」又大赞众人不但玩得尽兴，亦认真准备歌曲，其中云妮及森美的「演出」令祖儿感到惊喜，森美认真准备歌曲，令她留下深刻印象；阿正及Elsie则排舞上阵，投入程度十足，成为活动中的娱乐担当，「娱乐性好高嘅就系阿正同埋Elsie，觉得佢哋排晒舞，好enjoy个舞台。」她又认为，平日朋友唱K往往会怕羞，但两人完全享受舞台，令她觉得特别好玩。
