女神配对计划2丨混血冷气技工Oscar方智弘被爆是歌手网民质疑扮素人：全部都系演员

更新时间：14:00 2026-09-07 HKT
发布时间：14:00 2026-09-07 HKT

「金牌媒人」林盛斌（Bob）主持的TVB恋爱真人骚《女神配对计划2》已于昨晚（6日）播出，新一季的女神阵容包括何沛珈（Roxanne）、阮嘉敏（Mandy）、陈若思（Amber）、俞可程（Kanis）及郭珮文（Juliana）。首集焦点落在火花十足的「求爱勇者海选」环节，26岁的冷气技工、中葡芬混血儿方智弘（Oscar）一出场就令关嘉敏「流晒口水」，并笑说：「好想睇你洗冷气呀，我屋企啲冷气突然坏晒呀！」

方智弘曾参加ViuTV的《全民造星V》

方智弘凭惊人颜值瞬间在各大社交平台爆红，有网民发现方智弘原来早在2023年已参加过ViuTV的《全民造星V》。虽然当时他在首轮已被淘汰，不过其后与混血型男贺邦（Bronny）组成男子组合OneUp，先后推出过〈Ten Outta Ten〉、〈10号码头的半对〉、〈拾回铁达尼〉等歌曲，更曾于《2024年度叱咤乐坛流行榜颁奖典礼》获得「叱咤乐坛生力军组合歌手铜奖」，事件随即惹来内定疑云。

方智弘从事冷气工作长达7、8年

方智弘在节目上表示已经从事冷气工作长达7、8年，更应要求即场脱下上衣展露超强麒麟臂。加上身形健硕、笑容有魅力兼对答得体，在网上引来热烈回响。不少网民留言搞笑要求方智弘上门整冷气：「洗冷气机可唔可以等等，我屋企𠮶部直程坏咗比较急。」、「大家啲冷气好一致咁坏晒，唔争在加多部」、「今晚就揼烂部冷气佢」。

不过亦有人质疑方智弘有造马之嫌：「即系参加真人show推高知名度。如果已出道，即tvb主持系知？bob、carmen扮唔知？定系writer无做好功课？」、「剧本嘢嚟啫，咁认真做乜？」、「咁真系有洗冷气？」、「洗冷气？你信？鸡春咁密都孵出鸡仔啦，即刻有人踢爆嘞！」、「咪就系全部都系演员」。

林盛斌开PO力撑方智弘

身兼主持和「花生团团长」的林盛斌在节目播出后，在IG开PO力撑方智弘：「好多人问我佢系咪真系整冷气，我好认真答你：『系，原则上佢嘅正职系整冷气，兼职先系做歌手！』佢同另外一个朋友，系一队二人男子组合，其实而家呢个娱乐圈，无论系做演员定歌手，好多都有做几份工作，努力去维持生计，先可以继续去追梦，因为唔系个个都系最红𠮶啲，所以我真系完全唔觉得有啲咩问题，亦都唔系乜嘢做媒，佢真系自己上网报名参加。最后我想多谢所有海选面试嘅求爱勇者们，你哋每一位，喺我心目中，都系非常勇敢嘅！大家可以认识吓佢，佢叫Oscar，真系几靓仔嘅。」