张颕康离巢TVB结束19年宾主关系 被封「刘德华契仔」感谢两影帝提携兼娶到「东张女神」
发布时间：13:50 2025-11-10 HKT
43岁的张颕康前日（8日）才在社交网分享新相，庆祝与落选港姐太太麦雅致结婚13周年。今日（10日）凌晨张颕康在IG发文宣布离巢TVB，结束长达19年的宾主关系。张颕康撰长文表达不舍：「再见了TVB！所以喺TVB嘅最后一日，影咗啲相留念！」
张颕康离巢不舍落泪
张颕康获刘德华公司发掘，于2000年入行，初期有「刘德华契仔」之称。张颕康虽然演出过多部电影，但星运一般，直到2006年在刘德华推荐下加入TVB，一直工作至今。张颕康在IG留言：「19年，真系一个唔短嘅日子！拍完最后一个镜头，原来眼泪真系会忍唔住留咗出嚟！」
相关阅读：张颕康麦雅致夫妻档放闪弄巧成拙？因一点惹网民斥尴尬兼土味浓
张颕康回想起当年刚入训练班的情形：「19年前，华哥（刘德华）安排咗我加入TVB嘅训练班，希望我可以好似佢同家栋哥哥一样，接受TVB木人巷嘅训练！我好记得入TVB前，家栋哥哥同我讲咗句说话：『入到去，乜都唔好理，耷低个头就做，你一定会学到嘢！』」
自当时起，张颕康一直遵从前辈教导：「确实，遵从呢句说话，19年后我真系成为咗一位实实在在嘅演员！多谢华哥同家栋哥哥！」张颕康不忘多谢曾合作的监制：「同10年前我攞飞跃进步男艺员上台时讲嘅一样，我要多谢家豪哥、小青姐、黄伟声、张干文、陈志江、方俊钊，多谢你哋俾咗好多机会我，成就我演出咗多个感动到观众嘅角色！」
张颕康获鼓励提升演技
张颕康又点名多谢监制钟澍佳：「喺最近呢几年，我好庆幸可以同77工作室合作多部剧集！我特别要多谢佳哥（钟澍佳）对我嘅支持同鼓励，令我愈演愈有信心，让我喺呢两年内对演戏领会到另一个层次！」
张颕康又公开冧妻：「多谢TVB！多谢你俾咗我一个咁好嘅平台，让广大嘅观众认识到我呢位演员！多谢你俾我认识到我眼中独一无二嘅东张女神麦雅致，然后仲成为咗我嘅老婆，俾咗我一个幸福完美嘅家庭！」张颕康最后再提起刘德华：「19年后嘅今日，我终于可以好自豪咁讲一句：『我张颕康，系刘德华同TVB栽培出嚟嘅演员！』各位战友，江湖见！」
张颕康最初做跑龙套
张颕康加入TVB初期，由跑龙套做起，之后演出不少闲角，直到2016年凭《一屋老友记》夺得「飞跃进步男艺员」，角色占戏越来越重。张颕康的代表作有《回到三国》的范根、《一屋老友记》的三宝、《逆天奇案》系列的Marco等，演技获得肯定。
相关阅读：张颕康兑现承诺与太太欧游 笑言出发前自宫称3个已够 区瑞强称弟弟比赛识伍仲衡更易出事
