英国食鱼只有鱼柳？No way！原条蒸鱼煎鱼无问题

UK_nottsMama

移英港妈生活分享

2022-01-23 09:04 HKT

阅讀更多

生活专栏

內容

由细到大都住近街市，细个时系真正的 wet market，就算婚后搬家几次，都有个市政大楼街市在附近，买鱼买海鲜唔系问题。但来到英国，想蒸条完完整整的鱼，就要专诚去 Fish Monger (鱼贩) 了。

无疑超市都有鱼买，但多数都系 fillet，无咩生气，就算有原条的，望落都唔多新鲜。Morrison 超市比较好，内置一个鲜鱼海鲜counter，有鱼有虾有贝壳类海产鱿鱼，价钱抵质素都唔差，不过论新鲜，首选都系 Fish Monger，虽然没有游水鱼，但鱼类海产大多是朝早返的「即日鲜」，款式较多。Fish Monger 卖的海产就好似香港鱼档，display 在冰块上，有的价钱断 kg 计，有的一条一口价，亦有标明 10 镑 4 条的优惠货色。拣好鱼，鱼贩就会帮你磅同报价，跟手把鱼去鳞清洁内脏，返到屋企其实只要简单清洁已经可以煮食。

鱼档打趸王有 Sea Bass 海鲈、Sea Bream 海鲷、Cod 鳕鱼，其次系三文鱼、Mackerel 鲭鱼、Plaice 鲽鱼、Monkfish 𩽾𩾌鱼，我亦见过斑 Grouper、红鲣鱼 Red Mullet 同类似龙脷的鱼。去鱼档买鱼最难应该系睇住个英文名，完全唔知系咩鱼，因为有啲鱼真系未见过。不过，唔识唔紧要，只要肯问，鱼贩帮到你，仲教埋你点整。