KellyChu - 巴黎大厦「撞样」沙田公屋 网民揭建筑理论「师出同门」 | Executive日记
KellyChu
2026-03-19 02:00 HKT
字体大小
原来去到法国巴黎，都一样可以「见到香港」。有去法国旅行嘅港男就喺网上发帖话，竟然发现左岸第13区嘅住宅大厦，同香港公屋「撞样」；唔少网民睇完相，都即刻谂起沙田沥源邨、禾𪨶邨等；有网民就同大家科普，原来巴黎第13区，同沙田公屋系「师出同门」，前者甚至系后者嘅「师父」𠻹！
巴黎第13区内有几座高楼密密麻麻，窗户排列整齐，中间仲有个中央广场，其中一栋大厦外墙，更有只巨大蓝色雀鸟壁画。高密度住宅配搭平台嘅布局，感觉同香港公屋好似一比一复制。点解巴黎会有咁似香港嘅社区？有识建筑嘅网民就解释，呢个唔系巧合，而系因为大家都受同一时期嘅设计风格影响。呢种风格，源于法国建筑大师柯比意（Le Corbusier）嘅「光辉城市」理论，主张用高密度、高楼层设计，加上人车分隔、平台连接，去解决城市居住问题。香港70年代发展嘅新市镇，正正就系呢套理论嘅成功实践。所以巴黎第13区同沙田公屋，可以话系师出同门，甚至第13区仲算系「师父」添。
小妹都听过好多居住巴黎嘅港人话，第13区亦系佢哋寻找家乡味道嘅地方，区内不但有好多粤菜餐厅，仲可以直接用广东话点餐！
KellyChu
最Hit
长生津覆检开始！长者注意紫色通知书 未如期申报或被暂停津贴（ 附最新资产限额＋填表须知）
2026-04-03 19:21 HKT
网传沈阳爆随机斩杀案致多人亡 无头躯体倒街头
13小時前
在职家庭津贴2026/27｜4月上调入息资产限额 申请资格/津贴金额/一次性额外款项一文睇清
2026-04-04 11:53 HKT
六合彩｜8000万复活节金多宝搅珠结果 头奖一注中幸运儿擸8114万 齐来对冧巴 !
2026-04-04 21:33 HKT
更多文章
