KellyChu - 大雨水塘满泻「鱼跃堤岸」 | Executive日记
KellyChu
2025-08-18 02:00 HKT
字體大小
近期多次黑雨，大雨滂沱，连水塘都满泻，更出现罕见现象。Kelly朋友传来相片，话近日行经水塘，竟然遇上水位上升，更有鱼跳上岸，唔止一条，系几条咁多。
黑雨多次袭港，大水触发罕见现象，好似港岛南区华富邨嘅瀑布湾，平日其实系一条小溪流，但黑雨过后变成真的瀑布，非常壮观。至于水塘亦满泻，好似大潭水塘亦排洪，水坝变成几条大瀑布。
大雨唔单止带来大水奇景，连鱼儿都来「凑热闹」。Kelly朋友传来相片，话黑雨过后行经大美督淡水湖，见到水位上涨，仲有鱼儿跳起，跌到堤岸边，佢见到系鲗鱼，一路行一路有更多鱼跳上岸，令佢满载而归，带返屋企加餸。
根据香港法例，如果要系水塘钓鱼，要事先申请牌照，否则属非法垂钓，但系鱼儿自动跳上岸，执起又算唔算违法呢？真系考起小妹。
福鳄「太恶」遭弃养 恐影响本土生态
另一方面，Kelly昨天睇到网上新闻，话昨日早晨有人喺大埔林村河（近太和桥）钓到一条福鳄。有专家话，福鳄喺香港一般作为观赏鱼，但牠长得「好恶」，经常被人弃养，结果呢种外来物种进入咗香港嘅河流。小妹建议大家不要随便弃养，以免搞乱本地嘅自然生态。
KellyChu
专家表示福鳄非本地物种，对本土生态有潜在风险。
最Hit
更多文章
