胡慧冲 - 高级中菜过江龙 | 笔泰冲动
胡慧冲
2025-06-27 02:00 HKT
字體大小
一直以来在我的社交媒体都有一个很有趣的争论议题，就是往往介绍一些较为高级的中餐，总有人会觉得：「我唔会嚟泰国食我屋企楼下都有嘅嘢啰……点解去到泰国都要食中餐，香港冇得食咩？」其实大家不妨睇远少少，年轻人后生仔去泰国四日三夜日日食冬阴功、街边河粉冇问题，但如果同长者一齐嚟嘅话，你会唔会觉得佢都想食返餐好嘅中餐呢？甚至乎对于某啲名人明星，嚟到泰国未必喜欢踎街边享受地道草根风味，都想舒舒服服食餐好嘅。再者对于部分居泰港人及华人来说，总不会餐餐食冬阴功，所以介绍呢啲内容其实总有原因。
提起曼谷嘅高级中餐，除咗一众酒楼之外，亦都有著名嘅文苑，同埋佢哋嘅龟窦私房菜，但最新冒起系来自内地品牌紫桂轩，上网一Check就知道来头实在不小，也是米芝莲星级质素，唔系猛龙唔过江，开到嚟曼谷市中心四面神旁边嘅Gaysorn Amarin商场之上。
𠮶日朋友请食饭去到，都有好多本地人光顾，反而游客较少，食物质素和卖相毋庸置疑，而那个北京填鸭亦系小弟食过最好食的一次，大约3,000铢左右，那个鸭皮脆而有味道。老实说我并没有加其他酱料和用饼皮包来吃，单食那个鸭皮已经系好好的享受，而他们的汤和前菜各方面亦都系色香味俱全。如果追求高质素的中菜，而又唔想喺酒店里面食，呢度都系一个好好嘅选择。
胡慧冲
更多文章
