KellyChu - 天文台冷知识教学﹕这不是彩虹？ 「彩虹微笑」闪现大埔天空 | Executive日记
KellyChu
2025-03-26 02:00 HKT
字體大小
大埔早前出现「微笑彩虹」罕见奇景，香港天文台前日就喺Facebook专页，以「『彩虹』的微笑」为题发文澄清「微笑彩虹」并非真正嘅彩虹，而系「环天顶弧」，表示佢通常会出现喺太阳上方，呈弧状环绕天顶。
天文台喺帖文中，转载咗一张网民摄于大埔嘅「微笑彩虹」靓景，指出呢个现象其实系叫「环天顶弧」，再睇真啲，喺照片左下角可见到一点光斑，其实系另一种大气光学现象「幻日」，通常会喺太阳高度相若嘅左右两边出现。
天文台话，环天顶弧同幻日都属于光学现象，同样源于阳光经过平浮于卷云内嘅六角形碟状冰晶折射而成。当太阳喺天空角度较低嘅时候，就有机会见到佢哋同时出现。
有网民喺留言区上载相片和应，指「好多年前都好彩见过」。天文台亦趁机分享一段《气象冷知识》短片，等大家认识更多大气光学现象，该集短片以「甚么？！这不是彩虹？日晕与幻日」为题，讲解「日晕」和「幻日」嘅形成机制。
睇返天文台网站，原来幻日同太阳高度相若嘅原因系，幻日嘅形成需要阳光被水平面向六角形冰晶折射，而六角形冰晶物理性质﹙折射率﹚导致咗阳光通过六角形冰晶后嘅转向，限制在一个不少于大约22度嘅「最小偏向角」，且光在22度附近聚集和出现，即是最集中及最强，因而形成光斑或亮点。
KellyChu
天文台指，其实佢系「环天顶弧」。
最Hit
更多文章
