KellyChu - 攸壆路简约公屋睇楼团 赞环境好租金平 | Executive日记
KellyChu
2025-01-03 02:00 HKT
字體大小
房屋局局长何永贤指，简约公屋攸壆路项目将于第一季入伙，随着工程去到最后阶段，营运机构近日亦都组织咗睇楼团，向未来住户介绍项目嘅配套设备。佢话，唔少参加者都觉得攸壆路项目环境宜人，租金便宜，悭落嚟嘅租金可以让自己和家人过上更好生活，非常期待入住，更有「心思思」嘅市民即场查询申请细节。
从何永贤喺Facebook分享内容可见，房屋局副局长戴尚诚亲自落场带团睇楼，向攸壆路简约公屋嘅未来住户一一介绍交通配套、示范单位等细节。现场已有巴士站和小巴站，方便住户直接去到上水、元朗或大榄转车站。睇楼团仲带各人参观即将营运嘅超级市场、便利店和洗衣房，生活配套似乎应有尽有。
何永贤表示，唔少参加者都觉得攸壆路项目环境宜人，一二人单位月租约880元，三四人单位月租也不过约1630元，市面难求，悭落嚟嘅租金，可以用在健康、教育等不同方面，让自己和家人过上更好生活。相信有需要嘅市民入住后，就会明白唔单止改善咗生活环境，喺营运机构多方面支援下，个人技能、社区网络逐渐建立，整个家庭嘅规划、子女嘅成长与教育也会截然不同，「将来再回望这个决定，更会感受到搬离恶劣居所是多么关键的一步。」
KellyChu
最Hit
更多文章
