KellyChu - 「当紫禁城遇上凡尔赛宫」 故宫馆150件宫廷珍品显中法情谊 | Executive日记
KellyChu
2024-12-17 02:00 HKT
字體大小
为庆祝中法建交60周年及中法文化旅游年，香港故宫文化博物馆明天起将隆重推出特别展览「当紫禁城遇上凡尔赛宫——十七、十八世纪中法文化交流」。香港市民有幸见证两大皇宫世纪相遇，一睹近150件珍品，了解中法宫廷在文化、艺术、科技等领域互相欣赏和启发嘅历史。
小妹昨天参加传媒预览率先大饱眼福，其中一幅喺1766年创作嘅油画相当惊喜，皆因Kelly系一名音乐迷，画中描绘咗传奇作曲家莫扎特9岁时喺音乐沙龙表演，在未有相机嘅年代，人们透过画画记录生活，好开心能够从此画了解到偶像嘅足迹。
呢幅画其实系讲法国贵族一边欣赏音乐，一边以瓷质茶具品茶。据介绍，佢哋用嘅该套茶具曾经系法国国王路易十六珍藏，由塞弗尔瓷厂制造，画有浓厚中式风格人物图案。当时中国茶叶外销欧洲，喺欧洲掀起咗一股饮茶风潮，因此带动咗瓷器茶具嘅需求，而法国生产嘅硬瓷，即使注入滚烫茶水，亦唔会轻易破裂。
另一件小妹喜欢嘅展品系一只用嚟盛载「潘趣酒」嘅大碗（见下图），此碗系路易十五喺1751年向法国文森瓷厂（塞弗尔瓷厂前身）订购嘅1749件晚餐及甜点成套餐具之中一件，可见18世纪当时已好流行饮fruit punch。碗嘅外观用上「天蓝」色，为文森瓷厂首创，18世纪欧洲称清朝作「天朝」，故「天蓝」可能系对中国嘅致敬。
除咗画作同瓷品，展览仲有玻璃器、珐瑯器、纺织品等展品，亦涵盖书籍、科技仪器等珍品，亦包括9件中国国家一级文物，以及凡尔赛宫近年来收入嘅珍藏，其中大部分展品更加系首次喺香港展出。
KellyChu
更多文章
