KellyChu - 迪士尼伙20机构「分享爱」 派逾1.8万圣诞礼物暖童心 | Executive日记
KellyChu
2024-12-12 02:00 HKT
字體大小
圣诞前夕，香港迪士尼就携手20间非牟利机构，再度举办「分享礼物．分享爱」圣诞玩具捐赠活动，为基层儿童，精心准备逾1.8万份、总值超过400万元嘅圣诞礼物。Kelly都有幸见证其中一场，由迪士尼同救世军举行嘅活动，睇到米奇带住圣诞礼物惊喜现身，30几位小朋友收到礼物雀跃嘅样，真系觉得好窝心！
上周六一大早，迪士尼义工就来到救世军田家炳学校，喺操场垒起「礼物山」，并据早前收集嘅愿望卡片，为小朋友精心挑选圣诞礼物。
之后，小朋友就喺义工带领下，举办咗一场圣诞派对，期间身着圣诞套装嘅米奇闪亮登场，派发惊喜礼物，惹起小朋友一片欢呼！
7岁半嘅梁芷莹收到嘅礼物系迪士尼玩具，脸上满是甜蜜笑容。佢话，前一晚已经激动到瞓唔着，又系第一次同米奇见面，形容呢个系佢最难忘嘅圣诞节。佢又特别提到，米奇拍自己肩膀𠮶阵，觉得好亲切！
KellyChu
更多文章
