KellyChu - 港女勇闯广州「相亲角」 身高不合遭当面拒绝 | Executive日记
KellyChu
2024-12-10 02:00 HKT
字體大小
小妹唔少内地朋友都相当重视结婚，大学毕业后纷纷成家立室，反观香港人年过30先拉埋天窗嘅比比皆是。故此内地亦有相亲文化，其中「相亲角」就系指父母为未婚子女寻求合适对象，于公园内贴出子女学历、收入、家底、择偶要求等资料，等途经路人可以前来「相亲」嘅手段。
日前一名港女就特意前往广州天河公园嘅「相亲角」实测，睇吓系咪可以即场揾到心仪对象。佢透过小红书分享实测结果，表示现场不少履历嘅未婚人士，其实条件都唔差，例如有车有房，亦有研究生各种高学历人士，有人甚至连全家无贷款、父母有退休金都写出来。
楼主称自己喺香港「无车无房」，所以想了解吓自己嘅市场价值。佢揾到一个身高174厘米、收入大约3万多、户籍哈尔滨嘅男生履历，遂与在现场嘅母亲聊天，但不料被对方一口拒绝，话佢年纪颇大，而且身高只有154厘米，认为对生育孩子会有影响。佢之后继续寻觅对象，但又发现自己身高唔合格，坦言喺内地相亲，女生收入反而唔重要，重要嘅系身高。
KellyChu
最Hit
更多文章
